헬라어 문장 검색 - ΗψπερίΣπεεξηέ5́

(히페레이데스, Speeches, Ὑπὲρ Εὐξενίππου ἐισαγγελίασ ἀπολογία πρὸσ Πολύευκτον)

ἀλλ’ ἔγωγε, ὦ ἄνδρεσ δικασταί, ὅπερ καὶ πρὸσ τοὺσ παρακαθημένουσ ἀρτίωσ ἔλεγον, θαυμάζω εἰ μὴ προσίστανται ἤδη ὑμῖν αἱ τοιαῦται εἰσαγγελίαι. τὸ μὲν γὰρ πρότερον εἰσηγγέλλοντο παρ’ ὑμῖν Τιμόμαχοσ καὶ Λεωσθένησ καὶ Καλλίστρατοσ καὶ Φίλων ὁ ἐξ Ἀναίων καὶ Θεότιμοσ ὁ Σηστὸν ἀπολέσασ καὶ ἕτεροι τοιοῦτοι· καὶ οἱ μὲν αὐτῶν ναῦσ αἰτίαν ἔχοντεσ προδοῦναι, οἱ δὲ πόλεισ Ἀθηναίων, ὁ δὲ ῥήτωρ ὢν λέγειν μὴ τὰ ἄριστα τῷ δήμῳ. καὶ οὔτε τούτων πέντε ὄντων οὐδεὶσ ὑπέμεινε τὸν ἀγῶνα, ἀλλ’ αὐτοὶ ᾤχοντο φεύγοντεσ ἐκ τῆσ πόλεωσ, οὔτ’ ἄλλοι πολλοὶ τῶν εἰσαγγελλομένων, ἀλλ’ ἦν σπάνιον ἰδεῖν ἀπ’ εἰσαγγελίασ τινὰ κρινόμενον ὑπακούσαντα εἰσ τὸ δικαστήριον·

οὕτωσ ὑπὲρ μεγάλων ἀδικημάτων καὶ περιφανῶν αἱ εἰσαγγελίαι τότε ἦσαν. νυνὶ δὲ τὸ γιγνόμενον ἐν τῇ πόλει πάνυ καταγέλαστόν ἐστιν. Διογνίδησ μὲν καὶ Ἀντίδωροσ ὁ μέτοικοσ εἰσαγγέλλονται ὡσ πλέονοσ μισθοῦντεσ τὰσ αὐλητρίδασ ἢ ὁ νόμοσ κελεύει, Ἀγασικλῆσ δ’ ὁ ἐκ Πειραιέωσ ὅτι εἰσ Ἁλιμουσίουσ ἐνεγρά[φη,] Εὐξένιπποσ δ’ [ὑπ]ὲρ τῶν ἐνυπνί[ων] ὧν φησιν ἑω[ρακέ]ναι·

ὧν οὐδεμ[ία] δήπου τῶν αἰτιῶν τούτων οὐδὲν κοινωνεῖ τῷ εἰσαγγελτικῷ νόμῳ. καίτοι, ὦ ἄνδρεσ δικασταί, ἐπὶ τῶν δημοσίων ἀγώνων οὐ χρὴ τοὺσ δικαστὰσ πρότερον τὰ καθ’ ἕκαστα τῆσ κατηγορίασ ὑπομένειν ἀκούειν, πρὶν <ἂν> αὐτὸ τὸ κεφάλαιον τοῦ ἀγῶνοσ καὶ τὴν ἀντιγραφὴν ἐξετάσωσιν εἰ ἔστιν ἐκ τῶν νόμων ἢ μή·

οὐ μὰ Δία οὐχ ὥσπερ ἐν τῇ κατηγορίᾳ Πολύευκτοσ ἔλεγεν, οὐ φάσκων δεῖν τοὺσ ἀπολογουμένουσ ἰσχυρίζεσθαι τῷ εἰσαγγελτικῷ νόμῳ, ὃσ κελεύει κατὰ τῶν ῥητόρων αὐτῶν τὰσ εἰσαγγελίασ εἶναι περὶ τοῦ λέγειν μὴ οὐ τὰ ἄριστα τῷ δήμῳ, οὐ κατὰ πάντων Ἀθηναίων. ἐγὼ δὲ οὔτε πρότερον οὐδενὸσ ἂν μνησθείην ἢ τούτου, οὔτε πλείουσ οἶμαι δεῖν λόγουσ ποιεῖσθαι περὶ ἄλλου τινὸσ ἢ ὅπωσ ἐν δημοκρατίᾳ κύριοι οἱ νόμοι ἔσονται, καὶ αἱ εἰσαγγελίαι καὶ αἱ ἄλλαι κρίσεισ κατὰ τοὺσ νόμουσ εἰσίασιν εἰσ τὸ δικαστήριον.

διὰ τοῦτο γὰρ ὑμεῖσ ὑπὲρ ἁπάντων τῶν ἀδικημάτων, ὅσα ἔστιν ἐν τῇ πόλει, νόμουσ ἔθεσθε χωρὶσ περὶ ἑκάστου αὐτῶν. ἀσεβεῖ τισ περὶ τὰ ἱερά·

γραφαὶ ἀσεβείασ πρὸσ τὸν βασιλέα. ‐ φαῦλόσ ἐστι πρὸσ τοὺσ ἑαυτοῦ γονεῖσ· ὁ ἄρχων ἐπὶ τούτου κάθηται. ‐ παράνομά τισ ἐν τῇ πόλει γράφει· θεσμοθετῶν συνέδριον ἔστι. ‐ ἀπαγωγῆσ ἄξια ποιεῖ· ἀρχὴ τῶν ἕνδεκα καθέστηκε. ‐ τὸν αὐτὸν δὲ τρόπον καὶ ἐπὶ τῶν ἄλλων ἀδικημάτων ἁπάντων καὶ νόμουσ καὶ ἀρχὰσ καὶ δικαστήρια τὰ προσήκοντα ἑκάστοισ αὐτῶν ἀπέδοτε. ὑπὲρ τίνων οὖν οἰέσθε δεῖν τὰσ εἰσαγγελίασ γίγνεσθαι;

τοῦτ’ ἤδη καθ’ ἕκαστον ἐν τῷ νόμῳ ἐγράψατε, ἵνα μὴ ἀγνοῇ μηδείσ· "ἐάν τισ," φησί, "τὸν δῆμον τὸν Ἀθηναίων καταλύῃ· ‐ εἰκότωσ, ὦ ἄνδρεσ δικασταί· ἡ γὰρ τοιαύτη αἰτία οὐ παραδέχεται σκῆψι[ν ο]ὐδεμίαν οὐδενὸσ οὐδ’ ὑπωμοσίαν, ἀλλὰ τὴν ταχίστην αὐτὴν δεῖ εἶναι ἐν τῷ δικαστηρίῳ· ‐ ἢ "συνίῃ ποι ἐπὶ καταλύσει τοῦ δήμου ἢ ἑταιρικὸν συναγάγῃ, ἢ ἐάν τισ πόλιν τινὰ προδῷ ἢ ναῦσ ἢ πεζὴν ἢ ναυτικὴν στρατιάν, ἢ ῥήτωρ ὢν μὴ λέγῃ τὰ ἄριστα τῷ δήμῳ τῷ Ἀθηναίων χρήματα λαμβάνων’’· τὰ μὲν ἄνω τοῦ νόμου κατὰ πάντων τῶν πολιτῶν γράψαντεσ ἐκ πάντων γὰρ καὶ τἀδικήματα ταῦτα γένοιτ’ ἄν, τὸ δὲ τελευταῖον τοῦ νόμου κατ’ αὐτῶν τῶν ῥητόρων, παρ’ οἷσ ἔστιν καὶ τὸ γράφειν τὰ ψηφίσματα.

ἐμαίνεσθε γὰρ ἄν, εἰ ἄλλον τινὰ τρόπον τὸν νόμον τοῦτον ἔθεσθε ἢ οὕτωσ·

εἰ τὰσ μὲν τιμὰσ καὶ τὰσ ὠφελίασ ἐκ τοῦ λέγειν οἱ ῥήτορεσ καρποῦνται, τοὺσ δὲ κινδύνουσ ὑπὲρ αὐτῶν τοῖσ ἰδιώταισ ἀνεθήκατε. ἀλλ’ ὅμωσ Πολύευκτοσ οὕτωσ ἐστὶν ἀνδρεῖοσ, ὥστε εἰσαγγελίαν διώκων οὐκ ἔφη δεῖν τοὺσ φεύγοντασ τῷ εἰσαγγελτικῷ νόμῳ χρῆσθαι. καὶ οἱ μὲν ἄλλοι πάντεσ κατήγοροι, ὅταν οἰώνται δεῖν ἐν τῷ προτέρῳ λόγῳ ὑφελεῖν τῶν φευγόντων τὰσ ἀπολογίασ, τοῦτο παρακελεύονται τοῖσ δικασταῖσ, μὴ ἐθέλειν ἀκούειν τῶν ἀπολογουμένων, ἐάν τινεσ ἔξω τοῦ νόμου λέγωσιν, ἀλλ’ ἀπαντᾶν πρὸσ τὰ λεγόμενα καὶ κελεύειν τὸν νόμον ἀναγιγνώσκειν·

σὺ δὲ τοὐναντίον τὴν εἰσ τοὺσ νόμουσ καταφυγὴν ἐκ τῆσ ἀπολογίασ οἰεί δεῖν ἀφελέσθαι Εὐξενίππου. καὶ πρὸσ τούτοισ οὐδὲ βοηθεῖν οὐδένα φῂσ δεῖν αὐτῷ οὐδὲ συναγορεύειν, ἀλλὰ παρακελεύῃ τοῖσ δικασταῖσ μὴ θέλειν ἀκούειν τῶν ἀναβαινόντων.

καίτοι τί τού<του> τῶν ἐν τῇ πόλει βέλτιον ἢ δ[ημο]τικώτερόν ἐστι, πολλῶν καὶ ἄλλων καλῶν ὄντων, ἢ ὁπόταν τισ ἰδιώτησ εἰσ ἀγῶνα καὶ κίνδυνον καταστὰσ μὴ δύνηται ὑπὲρ ἑαυτοῦ ἀπολογεῖσθαι, τούτῳ τὸν βουλόμενον τῶν πολιτῶν ἐξεῖναι ἀναβάντα βοηθῆσαι καὶ τοὺσ δικαστὰσ ὑπὲρ τοῦ πράγματοσ τὰ δίκαια διδάξαι; ἀλλὰ νὴ Δία αὐτὸσ τοιούτῳ πράγματι οὐ κέχρησαι, ἀλλ’ ὅτ’ ἔφευγεσ τὸν ἀγῶνα ὑπ’ Ἀλεξάνδρου τοῦ ἐξ Οἰού, δέκα μὲν συνηγόρουσ ἐκ τῆσ Αἰγηίδοσ φυλῆσ ᾐτήσω, ὧν καὶ ἐγὼ εἷσ ἦν αἱρεθεὶσ ὑπὸ σοῦ, ἐκ δὲ τῶν ἄλλων Ἀθηναίων ἐκάλεισ ἐπὶ τὸ δικαστήριον τοὺσ βοηθήσοντάσ σοι.

καὶ τὰ μὲν ἄλλα τί δεῖ λέγειν; αὐτῷ δὲ τούτῳ τῷ ἀγῶνι πῶσ κέχρησαι; οὐ κατηγόρησασ ὁπόσα ἐβούλου; οὐ Λυκοῦργον ἐκάλεισ συγκατηγορήσοντα, οὔτε τῷ λέγειν οὐδενὸσ τῶν ἐν τῇ πόλει καταδεέστερον ὄντα, παρὰ τούτοισ τε μέτριον καὶ ἐπιεικῆ δοκοῦντα εἶναι; εἶτα σοὶ μὲν ἔξεστι καὶ φεύγοντι τοὺσ βοηθήσοντασ καλεῖν καὶ διώκοντι τοὺσ συγκατηγόρουσ ἀναβιβάσασθαι, ὃσ οὐ μόνον ὑπὲρ σεαυτοῦ δύνασαι εἰπεῖν, ἀλλὰ καὶ ὅλῃ πόλει πράγματα παρέχειν ἱκανὸσ εἶ, Εὐξενίππῳ δ’ ὅτι ἰδιώτησ ἐστὶ καὶ πρεσβύτεροσ οὐδὲ τοὺσ φίλουσ καὶ τοὺσ οἰκείουσ ἐξέσται βοηθεῖν, εἰ δὲ μή, διαβληθήσονται ὑπὸ σοῦ;

νὴ Δία, τὰ γὰρ πεπραγμένα αὐτῷ δεινά ἐστι καὶ ἄξια θανάτου, ὡσ σὺ λέγεισ ἐν τῇ κατηγορίᾳ.

σκέψασθε δή, ὦ ἄνδρεσ δικασταί, καθ’ ἓν ἕκαστον αὐτῶν ἐξετάζοντεσ. ὁ δῆμοσ προσέταξεν Εὐξενίππῳ τρίτῳ αὐτῷ ἐγκατακλιθῆναι εἰσ τὸ ἱερόν, οὗτοσ δὲ κοιμηθεὶσ ἐνύπνιόν φησιν ἰδεῖν, ὃ τῷ δήμῳ ἀπαγγεῖλαι. τοῦτ’ εἰ μὲν ὑπελάμβανεσ ἀληθὲσ εἶναι, καὶ ὃ εἶδεν ἐν τῷ ὕπνῳ τοῦτ’ αὐτὸν ἀπαγγεῖλαι πρὸσ τὸν δῆμον, τί καὶ ἀδικεῖ, ἃ ὁ θεὸσ αὐτῷ προσέταττε ταῦτ’ ἐξαγγείλασ πρὸσ Ἀθηναίουσ; εἰ δέ, ὥσπερ νυνὶ λέγεισ, ἡγοῦ αὐτὸν καταψεύσασθαι τοῦ θεοῦ καὶ χαριζόμενόν τισι μὴ τἀληθῆ ἀπηγγελκέναι τῷ δήμῳ, οὐ ψήφισμα ἐχρῆν σε πρὸσ τὸ ἐνύπνιον γράφειν, ἀλλ’ ὅπερ ὁ πρότεροσ ἐμοῦ λέγων εἶπεν, εἰσ Δελφοὺσ πέμψαντα πυθέσθαι παρὰ τοῦ θεοῦ τὴν ἀλήθειαν.

σὺ δὲ τοῦτο μὲν οὐκ ἐποίησασ, ψήφισμα δὲ αὐτοτελὲσ ἔγραψασ κατὰ δυοῖν φυλαῖν οὐ μόνον ἀδικώτατον, ἀλλὰ καὶ ἐναντίον αὐτὸ ἑαυτῷ· δι’ ὅπερ ἥλωσ παρανόμων, οὐ δι’ Εὐξένιππον. ἐξετάσωμεν δὲ περὶ αὐτοῦ τουτονὶ τὸν τρόπον.

αἱ φυλαὶ σύνδυο γενόμεναι τὰ ὄρη τὰ ἐν Ὠρωπῷ διείλοντο, τοῦ δήμου αὐταῖσ δόντοσ. τοῦτο τὸ ὄροσ ἔλαχεν Ἀκαμαντὶσ καὶ Ἱπποθοωντίσ. ταύτασ τὰσ φυλὰσ ἔγραψασ ἀποδοῦναι τὸ ὄροσ τῷ Ἀμφιαράῳ καὶ τὴν τιμὴν ὧν ἀπέδοντο, ὡσ πρότερον τοὺσ ὁριστὰσ τοὺσ πεντήκοντα ἐξελόντασ αὐτὸ τῷ θεῷ καὶ ἀφορίσαντασ, καὶ οὐ προσηκόντωσ τὰσ δύο φυλὰσ ἐχούσασ τὸ ὄροσ. μικρὸν δὲ διαλιπὼν ἐν ταὐτῷ ψηφίσματι γράφεισ τὰσ ὀκτὼ φυλὰσ πορίσαι τοῖν δυοῖν φυλαῖν τὰ διάφορα καὶ ἀποδοῦναι, ὅπωσ ἂν μὴ ἐλαττῶνται.

καίτοι εἰ μὲν ἴδιον <ὂν> τῶν φυλῶν ἀφῃροῦ τὸ ὄροσ, πῶσ οὐκ ὀργῆσ ἄξιοσ <εἶ>; εἰ δὲ μὴ προσηκόντωσ εἶχον αὐτό, ἀλλὰ τοῦ θεοῦ ὄν, διὰ τί τὰσ ἄλλασ φυλὰσ ἔγραφεσ αὐταῖσ προσαποδιδόναι ἀργύριον; ἀγαπητὸν γὰρ ἦν αὐταῖσ εἰ τὰ τοῦ θεοῦ ἀποδώσουσιν καὶ μὴ προσαποτείσουσιν ἀργύριον. ταῦτ’ ἐν τῷ δικαστηρίῳ ἐξεταζόμενα οὐκ ὀρθῶσ ἐδόκει γεγράφθαι, ἀλλὰ κατεψηφίσαντό σου οἱ δικασταί.

εἶτ’ εἰ μὲν ἀπέφυγεσ τὴν γραφήν, οὐκ ἂν κατεψεύσατο οὗτοσ τοῦ θεοῦ, ἐπειδὴ δὲ συνέβη σοι ἁλῶναι, Εὐξένιππον δεῖ ἀπολωλέναι; καὶ σοὶ μὲν τῷ τοιοῦτο ψήφισμα γράψαντι πέντε καὶ εἴκοσι δραχμῶν ἐτιμήθη, τὸν δὲ κατακλιθέντα εἰσ τὸ ἱερὸν τοῦ δήμου κελεύσαντοσ μηδ’ ἐν τῇ Ἀττικῇ δεῖ τεθάφθαι; ναί·

δεινὰ γὰρ ἐποίησεν περὶ τὴν φιάλην, ἐάσασ Ὀλυμπιάδα ἀναθεῖναι εἰσ τὸ ἄγαλμα τῆσ Ὑγιείασ. τοῦτο γὰρ ὑπολαμβάνεισ, ἐφόδιον ἑαυτῷ εἰσ τὸν ἀγῶνα τὸ ἐκείνησ ὄνομα παραφέρων καὶ κολακείαν ψευδῆ κατηγορῶν Εὐξενίππον, μῖσοσ καὶ ὀργὴν αὐτῷ συλλέξειν παρὰ τῶν δικαστῶν. δεῖ δέ, ὦ βέλτιστε, μὴ ἐπὶ τῷ Ὀλυμπιάδοσ ὀνόματι καὶ τῷ Ἀλεξάνδρου τῶν πολιτῶν τινα ζητεῖν κακόν τι ἐργάσασθαι, ἀλλ’ ὅταν ἐκεῖνοι πρὸσ τὸν δῆμον τὸν Ἀθηναίων ἐπιστέλλωσι μὴ τὰ δίκαια μηδὲ τὰ προσήκοντα, τότε ἀναστάντα ὑπὲρ τῆσ πόλεωσ ἀντιλέγειν καὶ πρὸσ τοὺσ ἥκοντασ παρ’ αὐτῶν δικαιολογεῖσθαι καὶ εἰσ τὸ κοινὸν τῶν Ἑλλήνων συνέδριον πορεύεσθαι βοηθήσοντα τῇ πατρίδι. σὺ δ’ ἐκεῖ μὲν οὐδεπώποτε ἀνέστησ οὐδὲ λόγον περὶ αὐτῶν ἐποιήσω, ἐνθάδε δὲ μισεῖσ Ὀλυμπιάδα ἐπὶ τῷ ἀπολέσαι Εὐξένιππον, καὶ φῂσ κόλακα αὐτὸν εἶναι ἐκείνησ καὶ Μακεδόνων·

ὃν ἐὰν δείξῃσ ἀφιγμένον πώποτε εἰσ Μακεδονίαν, ἢ ἐκείνων τινὰ ὑποδεξάμενον εἰσ τὴν αὑτοῦ οἰκίαν, ἢ χρώμενον τῶν ἐκεῖθέν τινι ἢ ἐντυγχάνοντα, ἢ λόγουσ καὶ οὑστινασοῦν ἢ ἐπ’ ἐργαστηρίου ἢ ἐν τῇ ἀγορᾷ ἢ ἄλλοθί που περὶ τούτων τῶν πραγμάτων εἰρηκότα, καὶ μὴ κοσμίωσ καὶ μετρίωσ τὰ αὑτοῦ πράττοντα ὥσπερ εἴ τισ καὶ ἄλλοσ τῶν πολιτῶν, χρησάσθωσαν αὐτῷ οἱ δικασταὶ ὅ τι βούλονται.

εἰ γὰρ ταῦτα ἦν ἀληθῆ ἃ κατηγορεῖσ, οὐκ ἂν σὺ μόνοσ ᾔδεισ, ἀλλὰ καὶ οἱ ἄλλοι πάντεσ οἱ ἐν τῇ πόλει·

ὥσπερ καὶ περὶ τῶν ἄλλων ὅσοι τι ὑπὲρ ἐκείνων ἢ λέγουσιν ἢ πράττουσιν, οὐ μόνον αὐτοί, ἀλλὰ καὶ οἱ ἄλλοι Ἀθηναῖοι ἴσασι καὶ τὰ παιδία τὰ ἐκ τῶν διδασκαλείων καὶ τῶν ῥητόρων τοὺσ παρ’ ἐκείνων μισθαρνοῦντασ καὶ τῶν ἄλλων τοὺσ ξενίζοντασ τοὺσ ἐκεῖθεν ἥκοντασ καὶ ὑποδεχομένουσ καὶ εἰσ τὰσ ὁδοὺσ ὑπαντῶντασ ὅταν προσίωσι· καὶ οὐδαμοῦ ὄψει οὐδὲ παρ’ ἑνὶ τούτων Εὐξένιππον καταριθμούμενον. σὺ δ’ ἐκείνων μὲν οὐδένα κρίνεισ οὐδ’ εἰσ ἀγῶνα καθίστησ, οὓσ πάντεσ ἴσασι ταὺτα πράττοντασ, κατ’ Εὐξενίππου δὲ κολακείαν κατηγορεῖσ, οὗ ὁ βίοσ τὴν αἰτίαν οὐ παραδέχεται.

καίτοι, εἰ νοῦν εἶχεσ, περί γε τῆσ φιάλησ τῆσ ἀνατεθείσησ οὔτ’ ἂν Εὐξένιππον ᾐτιῶ, οὔτ’ ἂν ἄλλον λόγον οὐδένα ἐνταῦθα ἐποιήσω· οὐ γὰρ ἁρμόττει. διὰ τί; καί μου τὸν λόγον, ὦ ἄνδρεσ δικασταί, ἀκούσατε, ὃν μέλλω λέγειν. ὑμῖν Ὀλυμπιὰσ ἐγκλήματα πεποίηται περὶ τὰ ἐν Δωδώνῃ οὐ δίκαια, ὡσ ἐγὼ δὶσ ἤδη ἐν τῷ δήμῳ ἐναντίον ὑμῶν καὶ τῶν ἄλλων Ἀθηναίων πρὸσ τοὺσ ἥκοντασ παρ’ αὐτῆσ ἐξήλεγξα οὐ προσήκοντα αὐτὴν ἐγκλήματα τῇ πόλει ἐγκαλοῦσαν.

ὑμῖν γὰρ ὁ Ζεὺσ ὁ Δωδωναῖοσ προσέταξεν ἐν τῇ μαντείᾳ τὸ ἄγαλμα τῆσ Διώνησ ἐπικοσμῆσαι· καὶ ὑμεῖσ πρόσωπόν τε ποιησάμενοι ὡσ οἱο͂́ν τε κάλλιστον καὶ τἆλλα πάντα τὰ ἀκόλουθα, καὶ κόσμον πολὺν καὶ πολυτελῆ τῇ θεῷ παρασκευάσαντεσ, καὶ θεωρίαν καὶ θυσίαν πολλῶν χρημάτων ἀποστείλαντεσ, ἐπεκοσμήσατε τὸ ἕδοσ τῆσ Διώνησ ἀξίωσ καὶ ὑμῶν αὐτῶν καὶ τῆσ θεοῦ.

ὑπὲρ τούτων ὑμῖν τὰ ἐγκλήματα ἦλθε παρ’ Ὀλυμπιάδοσ ἐν ταῖσ ἐπιστολαῖσ, ὡσ ἡ χώρα εἰή ἡ Μολοττία αὑτῆσ, ἐν ᾗ τὸ ἱερόν ἐστιν· οὔκουν προσήκειν ἡμᾶσ τῶν ἐκεῖ οὐδὲ ἓν κινεῖν. ἐὰν μὲν τοίνυν τὰ περὶ τὴν φιάλην γεγονότα ἐν ἀδικήματι ψηφίσησθε εἶναι, τρόπον τινὰ καὶ ἡμῶν αὐτῶν καταγιγνώσκομεν ὡσ τὰ ἐκεῖ οὐκ ὀρθῶσ ἐπράξαμεν·

ἐὰν δ’ ἐπὶ τοῦ γεγενημένου ἐῶμεν, τὰσ τραγῳδίασ αὐτῆσ καὶ τὰσ κατηγορίασ ἀφῃρηκότεσ ἐσόμεθα. οὐ γὰρ δήπου Ὀλυμπιάδι μὲν τὰ Ἀθήνησιν ἱερὰ ἐπικοσμεῖν ἔξεστιν, ἡμῖν δὲ τὰ ἐν Δωδώνῃ οὐκ ἐξέσται, καὶ ταῦτα τοῦ θεοῦ προστάξαντοσ. ἀλλ’ οὐκ ἔστιν, ὦ Πολύευκτε, ὡσ ἐμοὶ δοκεῖσ, ὅθεν κατηγορίαν οὐκ ἂν ποιήσαιο.

καίτοι σε ἐχρῆν, ἐπείπερ προῄρησαι πολιτεύεσθαι, καὶ νὴ Δία καὶ δύνασαι, μὴ τοὺσ ἰδιώτασ κρίνειν μηδ’ εἰσ τούτουσ νεανιεύεσθαι, ἀλλὰ τῶν ῥητόρων ἐάν τισ ἀδικῇ, τοῦτον κρίνειν, στρατηγὸσ ἐάν τισ μὴ τὰ δίκαια πράττῃ, τοῦτον εἰσαγγέλλειν· παρὰ γὰρ τούτοισ ἐστὶ καὶ τὸ δύνασθαι βλάπτειν τὴν πόλιν, ὅσοι ἂν αὐτῶν προαιρῶνται, οὐ παρ’ Εὐξενίππῳ οὐδὲ τῶν δικαστῶν τούτων οὐδενί. καὶ οὐ σὲ μὲν οὕτωσ οἰόμαι δεῖν πράττειν, αὐτὸσ δὲ ἄλλον τινὰ τρόπον τῇ πολιτείᾳ κέχρημαι, ἀλλ’ οὐδ’ αὐτὸσ ἰδιώτην οὐδένα πώποτε ἐν τῷ βίῳ ἔκρινα, ἤδη δέ τισι καθ’ ὅσον ἐδυνάμην ἐβοήθησα.

τίνασ οὖν κέκρικα καὶ εἰσ ἀγῶνα καθέστακα; Ἀριστοφῶντα τὸν Ἁζηνιέα, ὃσ ἰσχυρότατοσ ἐν τῇ πολιτείᾳ γεγένηται καὶ οὗτοσ ἐν τούτῳ τῷ δικαστηρίῳ παρὰ δύο ψήφουσ ἀπέφυγε· Διοπείθη τὸν Σφήττιον, ὃσ δεινότατοσ ἐδόκει εἶναι τῶν ἐν τῇ πόλει·

Φιλοκράτη τὸν Ἁγνούσιον, ὃσ θρασύτατα καὶ ἀσελγέστατα τῇ πολιτείᾳ κέχρηται. τοῦτον εἰσαγγείλασ ἐγὼ ὑπὲρ ὧν Φιλίππῳ ὑπηρέτει καὶ κατὰ τῆσ πόλεωσ, εἷλον ἐν τῷ δικαστηρίῳ, καὶ τὴν εἰσαγγελίαν ἔγραψα δικαίαν καὶ ὥσπερ ὁ νόμοσ κελεύει, "ῥήτορα ὄντα λέγειν μὴ τὰ ἄριστα τῷ δήμῳ τῷ Ἀθηναίων χρήματα λαμβάνοντα καὶ δωρεὰσ παρὰ τῶν τἀναντία πραττόντων τῷ δήμῳ" · καὶ οὐδ’ οὕτωσ ἀπέχρησέ μοι τὴν εἰσαγγελίαν [ἂν] δοῦναι, ἀλλ’ ὑποκάτω παρέγραψα·

"τάδ’ εἶπεν οὐ τὰ ἄριστα τῷ δήμῳ χρήματα λαβών," εἶτα τὸ ψήφισμα αὐτοῦ ὑπέγραψα· καὶ πάλιν, "τάδε εἶπεν οὐ τὰ ἄριστα τῷ δήμῳ χρήματα λαβών," καὶ τὸ ψήφισμα παρέγραφον. καὶ ἔστι μοι πεντάκισ ἢ ἑξάκισ τοῦτο γεγραμμένον· δίκαιον γὰρ ᾤμην δεῖν τὸν ἀγῶνα καὶ τὴν κρίσιν ποιῆσαι. σὺ δ’ ἃ μὲν εἰπεῖν Εὐξένιππον φῂσ οὐ τὰ ἄριστα τῷ δήμῳ, οὐκ εἶχεσ γράψαι εἰσ τὴν εἰσαγγελίαν, ἰδιώτην δ’ ὄντα κρίνεισ ἐν τῇ τοῦ ῥήτοροσ τάξει. μικρὰ δὲ περὶ τῆσ ἀντιγραφῆσ εἰπών, ἑτέρασ αἰτίασ καὶ διαβολὰσ ἥκεισ φέρων κατ’ αὐτοῦ, λέγων ὡσ Φιλοκλεῖ τὴν θυγατέρα ἐδίδου καὶ Δημοτίωνοσ δίαιταν ἔλαβεν, καὶ ἄλλασ τοιαύτασ κατηγορίασ, ἵν’ ἐὰν μὲν ἀφέμενοι τῆσ εἰσαγγελίασ περὶ τῶν ἔξω τοῦ πράγματοσ κατηγορηθέντων ἀπολογῶνται, ἀπαντῶσιν αὐτοῖσ οἱ δικασταί·

τί ταῦθ’ ἡμῖν λέγετε; ἐὰν δὲ μηδένα λόγον περὶ αὐτῶν ποιῶνται, ὁ ἀγὼν αὐτοῖσ χείρων γίγνηται. τῶν γὰρ κατηγορηθέντων τὸ μὴ λαβὸν ἀπολογίαν ὑπὸ τῇ ὀργῇ τῶν δικαστῶν καταλείπεται. καὶ τὸ πάντων δειν<ότ>ατον τῶν ἐν τῷ λόγῳ λεγομένων μένων ὑπὸ σοῦ, ὃ σὺ ᾤου λανθάνειν ὧν ἕνεκα λέγεισ, οὐ λανθάνων, ὁπότε παραφθέγγοιο ἐν τῷ λόγῳ πολλάκισ, ὡσ πλούσιόσ ἐστιν Εὐξένιπποσ, καὶ πάλιν διαλιπών, ὡσ οὐκ ἐκ δικαίου πολλὴν οὐσίαν συνείλεκται·

ἃ εἰσ μὲν τὸν ἀγῶνα τοῦτον οὐδὲν δήπου ἐστίν, εἴτε πολλὰ οὗτοσ κέκτηται εἴτε ὀλίγα, τοῦ δὲ λέγοντοσ κακοηθία καὶ ὑπόληψισ εἰσ τοὺσ δικαστὰσ οὐ δικαία, ὡσ ἄλλοθί που οὗτοι τὴν γνώμην ἂν σχοίησαν ἢ ἐπ’ αὐτοῦ τοῦ πράγματοσ, καὶ πότε[ρον] ἀδικεῖ ὑμᾶσ ὁ κριν[όμ]ενοσ ἢ οὔ. κακ[ῶσ] μοι δοκεῖσ εἰδ[έν]αι, ὦ Πολύευκτε, σ[ύ τε] καὶ οἱ ταὐτὰ γι[γνώσκο]ντεσ, ὅτι οὔ[τε δῆμόσ] ἐστιν οὐδ[ὲ εἷ]σ ἐν τῇ οἰκουμένῃ οὔτε μόναρχοσ οὔτε ἔθνοσ μεγαλοψυχότερον τοῦ δήμου τοῦ Ἀθηναίων, τοὺσ δὲ συκοφαντουμένουσ τῶν πολιτῶν ὑπό τινων ἢ καθ’ ἕνα ἢ ἅθρουσ οὐ προίεται ἀλλὰ βοηθεῖ.

καὶ πρῶτον μὲν Τείσιδοσ τοῦ Ἀγρυλῆθεν ἀπογράψαντοσ τὴν Εὐθυκράτουσ οὐσίαν ὡσ δημοσίαν οὖσαν, ἣ πλεόνων ἢ ἑξήκοντα ταλάντων ἦν, καὶ μετ’ ἐκείνην πάλιν ὑπισχνουμένου τὴν Θιλίππ[ου] καὶ Ναυσικλέουσ ἀ[πο]γράψειν, καὶ λέγο[ντ]οσ ὡσ ἐξ ἀναπογρ[άφ]ων μετάλλων π[επλ]ουτήκασι, τοσο[ῦτον οὗ]τοι ἀπέλιπον [τοῦ πρ]οσέσθαι τινὰ τ[οιοῦτο]ν λόγον ἢ τῶν ἀλλοτρίων ἐπιθυμεῖν, ὥστε τὸν ἐγχειρήσαντα συκοφαντεῖν αὐτοὺσ εὐθὺσ ἠτίμωσαν, τὸ πέμπτον μέροσ τῶν ψήφων οὐ μεταδόντεσ.

τοῦτο δ’, εἰ βούλει, τὸ πρώην ὑπὸ τῶν δικαστῶν πραχθὲν τοῦ ἐξελθόντοσ μηνὸσ πῶσ οὐ μεγάλου ἐπαίνου ἄξιόν ἐστι;

φήναντοσ γὰρ Λυσάνδρου τὸ Ἐπικράτουσ μέταλλον τοῦ Παλληνέωσ ἐντὸσ τῶν μέτρων τετμημένον, ὃ ἠργάζετο μὲν ἤ[δ]η τρία ἔτη, μετεῖχον δ’ αὐτοῦ οἱ πλουσ[ιώ]τατοι σχεδόν τι τῶν ἐν τῇ πόλει, ὁ δὲ Λ[ύσα]νδροσ ὑπισχνεῖτ[ο τρι]ακόσια τάλαντα εἰσ[πράξει]ν τῇ πόλει τ[οσαῦτα] γὰρ εἰληφέναι α[ὐτοὺσ ἐ]κ τοῦ μετάλλου· ἀλλ’ ὅμωσ οἱ δικασταὶ οὐ πρὸσ τὰσ τοῦ κατηγόρου ὑποσχέσεισ ἀποβλέποντεσ, ἀλλὰ πρὸσ τὸ δίκαιον, ἔγνωσαν ἴδιον εἶναι τὸ μέταλλον, καὶ τῇ αὐτῇ ψήφῳ τάσ τε οὐσίασ αὐτῶν ἐν ἀσφαλείᾳ κατέστησαν, καὶ τὴν ὑπόλοιπον ἐργασίαν τοῦ μετάλλου ἐβεβαίωσαν.

τοιγαροῦν αἱ καινοτομίαι πρότερον ἐκλελειμμέναι διὰ τὸν φόβον νῦν ἐνεργοί, καὶ τῆσ πόλεωσ αἱ πρόσοδοι αἱ ἐκεῖθεν πάλιν αὔξονται, ἃσ ἐλυμήναντό τινεσ τῶν ῥητόρων ἐξ[απ]ατήσαντεσ τὸν δῆμον καὶ δασμολ[ογή]σαντεσ τοὺσ ἐκ[εῖθεν]. ἔστι γάρ, ὦ ἄνδρ[εσ δι]κασταί, οὐχ οὗτοσ [χρη]στὸσ πολίτησ, ὅ[στισ] μικρὰ δοὺσ πλείω βλάπτει τὰ κοινά, οὐδ’ ὅστισ εἰσ τὸ παραχρῆμα ἐξ ἀδίκου πορίσασ κατέλυσε τῆσ πόλεωσ τὴν ἐκ δικαίου πρόσοδον, ἀλλ’ ὅτῳ μέλει καὶ τῶν εἰσ τὸν ἔπειτα χρόνον ὠφελίμων τῇ πόλει καὶ τῆσ ὁμονοίασ τῶν πολιτῶν καὶ τῆσ δόξησ τῆσ ὑμετέρασ·

ὧν ἔνιοι οὐ φροντίζουσιν, ἀλλὰ τῶν ἐργαζομένων ἀφαιρούμενοι πόρουσ φασὶ τούτουσ πορίζειν, ἀπορίαν ἐν τῇ πόλει παρασκευάζοντεσ. ὅταν γὰρ ᾖ φοβερὸν τὸ κτᾶσθαι καὶ φείδεσθαι, τίσ βουλήσεται κινδυνεύειν; τούτουσ μὲν οὖν ἴσωσ οὐ ῥᾴδιόν ἐστι κωλῦσαι ταῦτα πράττειν·

ὑμεῖσ δέ, ὦ ἄνδρεσ δικασταί, ὥσπερ καὶ ἄλλουσ πολλοὺσ σεσώκατε τῶν πολιτῶν ἀδίκωσ εἰσ ἀγῶνασ καταστάντασ, οὕτω καὶ Εὐξενίππῳ βοηθήσατε, καὶ μὴ περιίδητε αὐτὸν ἐπὶ πράγματι οὐδενὸσ ἀξίῳ καὶ εἰσαγγελίᾳ τοιαύτῃ, ᾗ οὐ μόνον οὐκ ἔνοχόσ ἐστιν, ἀλλὰ καὶ αὐτὴ παρὰ τοὺσ νόμουσ ἐστὶν εἰσηγγελμένη, καὶ πρὸσ τούτοισ ὑπ’ αὐτοῦ τοῦ κατηγόρου τρόπον τινὰ ἀπολελυμένη. εἰσήγγελκε γὰρ αὐτὸν Πολύευκτοσ λέγειν μὴ τὰ ἄριστα τῷ δήμῳ τῷ Ἀθηναίων χρήματα λαμβάνοντα καὶ δωρεὰσ παρὰ τῶν τἀναντία πραττόντων τῷ δήμῳ τῷ Ἀθηναίων.

εἰ μὲν οὖν ἔξωθεν τῆσ πόλεώσ τινασ ᾐτιᾶτο εἶναι, παρ’ ὧν τὰ δῶρα εἰληφότα. Εὐξένιππον συναγωνίζεσθαι αὐτοῖσ, ἦν ἂν αὐτῷ εἰπεῖν ὅτι, ἐπειδὴ ἐκείνουσ οὐκ ἔστι τιμωρήσασθαι, δεῖ τοὺσ ἐνθάδε αὐτοῖσ ὑπηρετοῦντασ δίκην δοῦναι. νῦν δὲ Ἀθηναίουσ φησὶν εἶναι παρ’ ὧν τὰσ δωρεὰσ εἰληφέναι αὐτόν. εἶτα σύ, ἔχων ἐν τῇ πόλει τοὺσ ὑπεναντία πράττοντασ τῷ δήμῳ, οὐ τιμωρῇ, ἀλλ’ Εὐξενίππῳ πράγματα παρέχεισ; βραχὺ δ’ ἔτι εἰπὼν περὶ τῆσ ψήφου ἧσ ὑμεῖσ μέλλετε φέρειν καταβήσομαι.

ὅταν γὰρ μέλλητε, ὦ ἄνδρεσ δικασταί, διαψηφίζεσθαι, κελεύετε ὑμῖν τὸν γραμματέα ὑπαναγνῶναι τήν τε εἰσαγγελίαν καὶ τὸν νόμον τὸν εἰσαγγελτικὸν καὶ τὸν ὁρ́κον τὸν ἡλιαστικόν· καὶ τοὺσ μὲν λόγουσ ἁπάντων ἡμῶν ἀφέλετε, ἐκ δὲ τῆσ εἰσαγγελίασ καὶ τῶν νόμων σκεψάμενοι ὅ τι ἂν ὑμῖν δοκῇ δίκαιον καὶ εὐόρκον εἶναι, τοῦτο ψηφίσασθε. ἐγὼ μὲν οὖν σοί, Εὐξένιππε, βεβοήθηκα ὅσα εἶχον.

λοιπὸν δ’ ἐστὶ δεῖσθαι τῶν δικαστῶν καὶ τοὺσ φίλουσ παρακαλεῖν καὶ τὰ παιδία ἀναβιβάζεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hyperides, Speeches, Ὑπὲρ Εὐξενίππου ἐισαγγελίασ ἀπολογία πρὸσ Πολύευκτον

(히페레이데스, Speeches, Ὑπὲρ Εὐξενίππου ἐισαγγελίασ ἀπολογία πρὸσ Πολύευκτον)

상위

목록

SEARCH

MENU NAVIGATION