헬라어 문장 검색 - ΕυριπίΣυππλιά07́0́1́

(에우리피데스, Suppliants, episode 1:)

κοὐδὲν Κρέων τοῖσδ’ ἀντεκήρυξεν λόγοισ, ἀλλ’ ἧστ’ ἐφ’ ὅπλοισ σῖγα. ποιμένεσ δ’ ὄχων τετραόρων κατῆρχον ἐντεῦθεν μάχησ· πέραν δὲ διελάσαντεσ ἀλλήλων ὄχουσ, παραιβάτασ ἔστησαν ἐσ τάξιν δορόσ. χοἳ μὲν σιδήρῳ διεμάχονθ’, οἳ δ’ ἔστρεφον πώλουσ ἐσ ἀλκὴν αὖθισ ἐσ παραιβάτασ. ἰδὼν δὲ Φόρβασ, ὃσ μοναμπύκων ἄναξ ἦν τοῖσ Ἐρεχθείδαισιν, ἁρμάτων ὄχλον, οἵ τ’ αὖ τὸ Κάδμου διεφύλασσον ἱππικόν, συνῆψαν ἀλκὴν κἀκράτουν ἡσσῶντό τε. λεύσσων δὲ ταῦτα κοὐ κλύων ‐ ἐκεῖ γὰρ ἦ ἔνθ’ ἁρ́ματ’ ἠγωνίζεθ’ οἵ τ’ ἐπεμβάται ‐ τἀκεῖ παρόντα πολλὰ πήματ’, οὐκ ἔχω τί πρῶτον εἴπω, πότερα τὴν ἐσ οὐρανὸν κόνιν προσαντέλλουσαν, ὡσ πολλὴ παρῆν, ἢ τοὺσ ἄνω τε καὶ κάτω φορουμένουσ ἱμᾶσιν, αἵματόσ τε φοινίου ῥοάσ, τῶν μὲν πιτνόντων, τῶν δὲ θραυσθέντων δίφρων ἐσ κρᾶτα πρὸσ γῆν ἐκκυβιστώντων βίᾳ πρὸσ ἁρμάτων τ’ ἀγαῖσι λειπόντων βίον; νικῶντα δ’ ἵπποισ ὡσ ὑπείδετο στρατὸν Κρέων τὸν ἐνθένδ’, ἰτέαν λαβὼν χερὶ χωρεῖ, πρὶν ἐλθεῖν ξυμμάχοισ δυσθυμίαν. καὶ συμπατάξαντεσ μέσον πάντα στρατὸν ἔκτεινον ἐκτείνοντο, καὶ παρηγγύων κελευσμὸν ἀλλήλοισι σὺν πολλῇ βοῇ· Θεῖν’· ἀντέρειδε τοῖσ Ἐρεχθείδαισ δόρυ. καὶ μὴν τὰ Θησέωσ γ’ οὐκ ὄκνῳ διεφθάρη, ἀλλ’ ἱέτ’ εὐθὺσ λάμπρ’ ἀναρπάσασ ὅπλα· λόχοσ δ’ ὀδόντων ὄφεοσ ἐξηνδρωμένοσ δεινὸσ παλαιστὴσ ἦν· ἔκλινε γὰρ κέρασ τὸ λαιὸν ἡμῶν· δεξιοῦ δ’ ἡσσώμενον φεύγει τὸ κείνων· ἦν δ’ ἀγὼν ἰσόρροποσ. κἀν τῷδε τὸν στρατηγὸν αἰνέσαι παρῆν· οὐ γὰρ τὸ νικῶν τοῦτ’ ἐκέρδαινεν μόνον, ἀλλ’ ᾤχετ’ ἐσ τὸ κάμνον οἰκείου στρατοῦ. ἔρρηξε δ’ αὐδήν, ὥσθ’ ὑπηχῆσαι χθόνα· Ὦ παῖδεσ, εἰ μὴ σχήσετε στερρὸν δόρυ σπαρτῶν τόδ’ ἀνδρῶν, οἴχεται τὰ Παλλάδοσ. θάρσοσ δ’ ἐνῶρσε παντὶ Κραναϊδῶν στρατῷ. αὐτόσ θ’ ὅπλισμα τοὐπιδαύριον λαβὼν δεινῆσ κορύνησ διαφέρων ἐσφενδόνα ὁμοῦ τραχήλουσ κἀπικείμενον κάρα, κυνέασ θερίζων κἀποκαυλίζων ξύλῳ. μόλισ δέ πωσ ἔτρεψαν ἐσ φυγὴν πόδα. ἐγὼ δ’ ἀνηλάλαξα κἀνωρχησάμην κἄκρουσα χεῖρασ. οἳ δ’ ἔτεινον ἐσ πύλασ. βοὴ δὲ καὶ κωκυτὸσ ἦν ἀνὰ πτόλιν νέων γερόντων, ἱερά τ’ ἐξεπίμπλασαν φόβῳ. παρὸν δὲ τειχέων ἔσω μολεῖν, Θησεὺσ ἐπέσχεν· οὐ γὰρ ὡσ πέρσων πόλιν μολεῖν ἔφασκεν, ἀλλ’ ἀπαιτήσων νεκρούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Suppliants, episode 1:

(에우리피데스, Suppliants, episode 1:)

상위

목록

SEARCH

MENU NAVIGATION