헬라어 문장 검색 - ΕυριπίΣυππλιά05́0́5́

(에우리피데스, Suppliants, episode 5:)

ἀλλ’, ὦ μάταιοι, γνῶτε τἀνθρώπων κακά· παλαίσμαθ’ ἡμῶν ὁ βίοσ· εὐτυχοῦσι δὲ οἳ μὲν τάχ’, οἳ δ’ ἐσαῦθισ, οἳ δ’ ἤδη βροτῶν, τρυφᾷ δ’ ὁ δαίμων· πρόσ τε γὰρ τοῦ δυστυχοῦσ, ὡσ εὐτυχήσῃ, τίμιοσ γεραίρεται, ὅ τ’ ὄλβιόσ νιν πνεῦμα δειμαίνων λιπεῖν ὑψηλὸν αἴρει. γνόντασ οὖν χρεὼν τάδε ἀδικουμένουσ τε μέτρια μὴ θυμῷ φέρειν ἀδικεῖν τε τοιαῦθ’ οἱᾶ μὴ βλάψαι πόλιν. πῶσ οὖν ἂν εἰή; τοὺσ ὀλωλότασ νεκροὺσ θάψαι δὸσ ἡμῖν τοῖσ θέλουσιν εὐσεβεῖν. ἢ δῆλα τἀνθένδ’· εἶμι καὶ θάψω βίᾳ. οὐ γάρ ποτ’ εἰσ Ἕλληνασ ἐξοισθήσεται ὡσ εἰσ ἔμ’ ἐλθὼν καὶ πόλιν Πανδίονοσ νόμοσ παλαιὸσ δαιμόνων διεφθάρη. θάρσει· τὸ γάρ τοι τῆσ Δίκησ σῴζων φάοσ πολλοὺσ ὑπεκφύγοισ ἂν ἀνθρώπων ψόγουσ. βούλῃ συνάψω μῦθον ἐν βραχεῖ σέθεν; λέγ’, εἴ τι βούλῃ· καὶ γὰρ οὐ σιγηλὸσ εἶ. οὐκ ἄν ποτ’ ἐκ γῆσ παῖδασ Ἀργείων λάβοισ. κἀμοῦ νυν ἀντάκουσον, εἰ βούλῃ, πάλιν. κλύοιμ’ ἄν· οὐ γὰρ ἀλλὰ δεῖ δοῦναι μέροσ. θάψω νεκροὺσ γῆσ ἐξελὼν Ἀσωπίασ. ἐν ἀσπίσιν σοι πρῶτα κινδυνευτέον. πολλοὺσ ἔτλην δὴ χἁτέρουσ ἄλλουσ πόνουσ. ἦ πᾶσιν οὖν <σ’> ἔφυσεν ἐξαρκεῖν πατήρ; ὅσοι γ’ ὑβρισταί· χρηστὰ δ’ οὐ κολάζομεν. πράσσειν σὺ πόλλ’ εἰώθασ ἥ τε σὴ πόλισ. τοιγὰρ πονοῦσα πολλὰ πόλλ’ εὐδαιμονεῖ. ἔλθ’, ὥσ σε λόγχη σπαρτὸσ ἐν πόλει λάβῃ. τίσ δ’ ἐκ δράκοντοσ θοῦροσ ἂν γένοιτ’ Ἄρησ; γνώσῃ σὺ πάσχων· νῦν δ’ ἔτ’ εἶ νεανίασ. οὔτοι μ’ ἐπαρεῖσ ὥστε θυμῶσαι φρένασ τοῖσ σοῖσι κόμποισ· ἀλλ’ ἀποστέλλου χθονόσ, λόγουσ ματαίουσ οὕσπερ ἠνέγκω λαβών. περαίνομεν γὰρ οὐδέν. ὁρμᾶσθαι χρεὼν πάντ’ ἄνδρ’ ὁπλίτην ἁρμάτων τ’ ἐπεμβάτην, μοναμπύκων τε φάλαρα κινεῖσθαι στόμα ἀφρῷ καταστάζοντα Καδμείαν χθόνα. χωρήσομαι γὰρ ἑπτὰ πρὸσ Κάδμου πύλασ αὐτὸσ σίδηρον ὀξὺν ἐν χεροῖν ἔχων αὐτόσ τε κῆρυξ. σοὶ δὲ προστάσσω μένειν, Ἄδραστε, κἀμοὶ μὴ ἀναμίγνυσθαι τύχασ τὰσ σάσ. ἐγὼ γὰρ δαίμονοσ τοὐμοῦ μέτα στρατηλατήσω καινὸσ ἐν καινῷ δορί. ἓν δεῖ μόνον μοι· τοὺσ θεοὺσ ἔχειν, ὅσοι δίκην σέβονται· ταῦτα γὰρ ξυνόνθ’ ὁμοῦ νίκην δίδωσιν. ἁρετὴ δ’ οὐδὲν λέγει βροτοῖσιν, ἢ μὴ τὸν θεὸν χρῄζοντ’ ἔχῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Suppliants, episode 5:

(에우리피데스, Suppliants, episode 5:)

상위

목록

SEARCH

MENU NAVIGATION