Diogenes Laertius, Lives of Eminent Philosophers, Q, Kef. z'. DHMOKRITOS 1:

Δημόκριτοσ Ἡγησιστράτου, οἱ δὲ Ἀθηνοκρίτου, τινὲσ Δαμασίππου Ἀβδηρίτησ ἤ, ὡσ ἔνιοι, Μιλήσιοσ. οὗτοσ μάγων τινῶν διήκουσε καὶ Χαλδαίων, Ξέρξου τοῦ βασιλέωσ τῷ πατρὶ αὐτοῦ ἐπιστάτασ καταλιπόντοσ, ἡνίκα ἐξενίσθη παρ’ αὐτῷ, καθά φησι καὶ Ἡρόδοτοσ· παρ’ ὧν τά τε περὶ θεολογίασ καὶ ἀστρολογίασ ἔμαθεν ἔτι παῖσ ὤν. ὕστερον δὲ Λευκίππῳ παρέβαλε καὶ Ἀναξαγόρᾳ κατά τινασ, ἔτεσιν ὢν αὐτοῦ νεώτεροσ τετταράκοντα. Φαβωρῖνοσ δέ φησιν ἐν Παντοδαπῇ ἱστορίᾳ λέγειν Δημόκριτον περὶ Ἀναξαγόρου ὡσ οὐκ εἰήσαν αὐτοῦ αἱ δόξαι αἵ τε περὶ ἡλίου καὶ σελήνησ, ἀλλὰ ἀρχαῖαι, τὸν δ’ ὑφῃρῆσθαι.