헬라어 텍스트

Athenaeus, The Deipnosophists, Book 7, book 7, chapter 42

(아테나이오스, The Deipnosophists, Book 7, book 7, chapter 42)

καὶ μαγείρων μὲν ἅλισ· περὶ δὲ τοῦ γόγγρου λεκτέον. Ἀρχέστρατοσ μὲν γὰρ ἐν τῇ Γαστρονομίᾳ καὶ ὁπόθεν ἕκαστον μέροσ αὐτοῦ δεῖ συνωνεῖσθαι διηγεῖται οὕτωσ γόγγρου μὲν γὰρ ἔχεισ κεφαλήν, φίλοσ, ἐν Σικυῶνι πίονοσ, ἰσχυροῦ, μεγάλου καὶ πάντα τὰ κοῖλα· εἶτα χρόνον πολὺν ἕψε χλόῃ περίπαστον ἐν ἅλμῃ ἑξῆσ τε περὶ τῶν κατ’ Ἰταλίαν τόπων διεξιὼν πάλιν ὁ καλὸσ οὗτοσ περιηγητήσ φησιν καὶ γόγγροσ σπουδαῖοσ ἁλίσκεται, ὅστε τοσοῦτον τῶν ἄλλων πάντων ὄψων κρατεῖ οὗτοσ ὅσον περ θύννοσ ὁ πιότατοσ τῶν φαυλοτάτων κορακίνων. Ἄλεξισ ἐν Ἑπτὰ ἐπὶ Θήβαισ·

γόγγρου δ’ ὁμοῦ σωρευτὰ πιμελῆσ μέλη ὑπεργέμοντα. Ἀρχέδικοσ δ’ ἐν Θησαυρῷ παράγει τινὰ μάγειρον λέγοντα περὶ ὧν ὠψώνηκεν αὐτόσ·

δραχμῶν τριῶν γλαυκίσκον γόγγρου κεφάλαια καὶ τὰ πρῶτα τεμάχια δραχμῶν πάλιν πέντ’· ὦ ταλαιπώρου βίου. δραχμῆσ τραχήλουσ· ἀλλὰ νὴ τὸν ἥλιον, κἀμοὶ τράχηλον ἕτερον εἴ ποθεν λαβεῖν ἦν καὶ πρίασθαι δυνατόν, ὃν ἔχω τοῦτον ἂν πρὶν εἰσενεγκεῖν ταῦτα δεῦρ’ ἀπηγξάμην οὐδεὶσ δεδιακόνηκεν ἐπιπονώτερον. ἅμα μὲν πρίασθαι πολλὰ καὶ πολλοῦ σφόδρα, ἅμα δ’ εἴ τι χρηστὸν ἀγοράσαιμ’, ἀπωλλύμην.

τοῦτο· "διαπυτιοῦσ1’ οἶνον δὲ τοιοῦτον χαμαί. οἴμοι.