헬라어 텍스트

Athenaeus, The Deipnosophists, Book 7, book 7, chapter 5

(아테나이오스, The Deipnosophists, Book 7, book 7, chapter 5)

πολλῶν οὖν ὄντων τῶν ἰχθύων, οὓσ κατὰ τὰσ ἑκάστασ ὡρ́ασ ἐδαινύμεθα, ὦ θαυμασιώτατε Τιμόκρατεσ, κατὰ γὰρ τὸν Σοφοκλέα χορὸσ δ’ ἀναύδων ἰχθύων ἐπερρόθει, σαίνοντεσ οὐραίοισι οὐ τὴν κεκτημένην, ἀλλὰ τὰσ λοπάδασ· καὶ κατὰ τὰσ Ἀχαιοῦ δὲ Μοίρασ· πολὺσ γὰρ ὅμιλοσ ποντίου κύκλου σοβῶν ἐνάλιοσ θεωρία, χραίνοντεσ οὐραίοισιν εὐδίαν ἁλόσ, ἀπομνημονεύσω δέ σοι ἃ περὶ ἑκάστου ἔλεξαν οἱ δειπνοσοφισταί. πάντεσ γὰρ συνεισήνεγκαν εἰσ αὐτοὺσ τὰσ ἐκ βιβλίων συμβολάσ, ὧν τὰ ὀνόματα διὰ τὸ πλῆθοσ παραλείψω. ὅστισ ἀγοράζων ὄψον ἐξὸν ἀπολαύειν ἰχθύων ἀληθινῶν ῥαφανῖδασ ἐπιθυμεῖ πρίασθαι, μαίνεται·

φησὶν Ἄμφισ ἐν Λευκάδι ἵνα δὲ εὐμνημόνευτά σοι γένηται τὰ λεχθέντα, κατὰ στοιχεῖον τάξω τὰ ὀνόματα, καὶ γὰρ Σοφοκλέουσ εἰπόντοσ ἐν Αἰάντι μαστιγοφόρῳ τοὺσ ἰχθῦσ ἑλλοὺσ ἐφῆκεν ἑλλοῖσ ἰχθύσιν διαφθοράν, ἐζήτησέν τισ εἰ καὶ τῶν πρὸ αὐτοῦ τισ τῷ ὀνόματι κέχρηται. πρὸσ ὃν ὁ Ζωίλοσ ἔφη· ἐγὼ δὲ οὐκ ὢν ὀψοφαγίστατόσ ̔ οὕτω γὰρ Ξενοφῶν ὠνόμασεν ἐν Ἀπομνημονεύμασι γράφων οὕτωσ · ̓ οἶδα ὅτι ὁ τὴν Τιτανομαχίαν ποιήσασ, εἴτ’ Εὔμηλόσ ἐστιν ὁ Κορίνθιοσ ἢ Ἀρκτῖνοσ ἢ ὅστισ δήποτε χαίρει ὀνομαζόμενοσ, ἐν τῷ δευτέρῳ οὕτωσ εἴρηκεν ἐν δ’ αὐτῇ πλωτοὶ χρυσώπιδεσ ἰχθύεσ ἑλλοὶ νήχοντεσ παίζουσι δι’ ὕδατοσ ἀμβροσίοιο.

ἔχαιρε δὲ Σοφοκλῆσ τῷ ἐπικῷ κύκλῳ, ὡσ καὶ ὅλα δράματα ποιῆσαι κατακολουθῶν τῇ ἐν τούτῳ μυθοποιίᾳ.