헬라어 문장 검색 - Αρριαν́Αναβασί2́23́

(아리아노스, Anabasis, book 2, chapter 23)

Τρίτῃ δὲ ἀπὸ ταύτησ ἡμέρᾳ νηνεμίαν τε φυλάξασ καὶ παρακαλέσασ τοὺσ ἡγεμόνασ τῶν τάξεων ἐσ τὸ ἔργον ἐπῆγε τῇ πόλει ἐπὶ τῶν νεῶν τὰσ μηχανάσ. καὶ πρῶτα μὲν κατέσεισε τοῦ τείχουσ ἐπὶ μέγα, ὡσ δὲ ἀποχρῶν εἰσ πλάτοσ ἐφάνη τὸ παρερρηγμένον, τὰσ μὲν μηχανοφόρουσ ναῦσ ἐπανάγειν ἐκέλευσεν· ὁ δὲ δύο ἄλλασ ἐπῆγεν, αἳ τὰσ γεφύρασ αὐτῷ ἔφερον, ἃσ δὴ ἐπιβάλλειν ἐπενόει τῷ κατερρηγμένῳ τοῦ τείχουσ.

καὶ τὴν μὲν μίαν τῶν νεῶν οἱ ὑπασπισταὶ ἔλαβον, ᾗ ἐπετέτακτο Ἄδμητοσ, τὴν ἑτέραν δὲ ἡ Κοίνου τάξισ οἱ πεζέταιροι καλούμενοι, καὶ αὐτὸσ ξὺν τοῖσ ὑπασπισταῖσ ἐπιβήσεσθαι τοῦ τείχουσ ᾗ παρείκοι ἔμελλεν. τὰσ τριήρεισ δὲ τὰσ μὲν ἐπιπλεῖν κατὰ τοὺσ λιμένασ ἀμφοτέρουσ ἐκέλευσεν, εἴ πωσ πρὸσ σφᾶσ τετραμμένων τῶν Τυρίων βιάσαιντο τὸν ἔσπλουν·

ὅσαι δὲ αὐτῶν βέλη ἀπὸ μηχανῶν βαλλόμενα εἶχον ἢ ὅσαι τοξότασ ἐπὶ τῶν καταστρωμάτων ἔφερον, ταύτασ δὲ ἐκέλευσεν ἐν κύκλῳ περιπλεούσασ τὸ τεῖχοσ ἐποκέλλειν τε ὅπῃ παρείκοι καὶ ἀνακωχεύειν ἐντὸσ βέλουσ, ἔστε τὸ ἐποκεῖλαι ἄπορον γίγνοιτο, ὡσ πανταχόθεν βαλλομένουσ τοὺσ Τυρίουσ ἐν τῷ δεινῷ ἀμφιβόλουσ γίγνεσθαι. Ὡσ δὲ αἵ τε νῆεσ αἱ σὺν Ἀλεξάνδρῳ προσέσχον τῇ πόλει καὶ αἱ γέφυραι ἐπεβλήθησαν τῷ τείχει ἀπ̓ αὐτῶν, ἐνταῦθα οἱ ὑπασπισταὶ εὐρώστωσ κατὰ ταύτασ ἀνέβαινον ἐπὶ τὸ τεῖχοσ.

ὅ τε γὰρ Ἄδμητοσ ἀνὴρ ἀγαθὸσ ἐν τῷ τότε ἐγένετο καὶ ἅμα Ἀλέξανδροσ εἵπετο αὐτοῖσ, τοῦ τε ἔργου αὐτοῦ καρτερῶσ ἁπτόμενοσ καὶ θεατὴσ τῶν ἄλλων ὅτῳ τι λαμπρὸν κατ̓ ἀρετὴν ἐν τῷ κινδύνῳ ἐτολμᾶτο. καὶ ταύτῃ πρῶτον ᾗ ἐπετέτακτο Ἀλέξανδροσ ἐλήφθη τὸ τεῖχοσ, οὐ χαλεπῶσ ἀποκρουσθέντων ἀπ̓ αὐτοῦ τῶν Τυρίων, ἐπειδὴ πρῶτον βεβαίῳ τε καὶ ἅμα οὐ πάντῃ ἀποτόμῳ τῇ προσβάσει ἐχρήσαντο οἱ Μακεδόνεσ.

καὶ Ἄδμητοσ μὲν πρῶτοσ ἐπιβὰσ τοῦ τείχουσ καὶ τοῖσ ἀμφ̓ αὑτὸν ἐγκελευόμενοσ ἐπιβαίνειν βληθεὶσ λόγχῃ ἀποθνήσκει αὐτοῦ· ἐπὶ δὲ αὐτῷ Ἀλέξανδροσ ἔσχε τὸ τεῖχοσ ξὺν τοῖσ ἑταίροισ.

ὡσ δὲ εἴχοντο αὐτῷ πύργοι τε ἔστιν οἳ καὶ μεταπύργια, αὐτὸσ μὲν παρῄει διὰ τῶν ἐπάλξεων ὡσ ἐπὶ τὰ βασίλεια, ὅτι ταύτῃ εὐπορωτέρα ἐφαίνετο ἐσ τὴν πόλιν ἡ κάθοδοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 23

(아리아노스, Anabasis, book 2, chapter 23)

상위

목록

SEARCH

MENU NAVIGATION