Arrian, Anabasis, book 2, chapter 11 10:

ἐπεὶ καὶ Δαρεῖοσ τῶν τε χρημάτων τὰ πολλὰ καὶ ὅσα ἄλλα μεγάλῳ βασιλεῖ ἐσ πολυτελῆ δίαιταν καὶ στρατευομένῳ ὅμωσ συνέπεται πεπόμφει ἐσ Δαμασκόν, ὥστε ἐν τῷ στρατεύματι οὐ πλείονα ἢ τρισχίλια τάλαντα ἑάλω. ἀλλὰ καὶ τὰ ἐν Δαμασκῷ χρήματα ὀλίγον ὕστερον ἑάλω ὑπὸ Παρμενίωνοσ ἐπ̓ αὐτὸ τοῦτο σταλέντοσ. τοῦτο τὸ τέλοσ τῇ μάχῃ ἐκείνῃ ἐγένετο ἐπὶ ἄρχοντοσ Ἀθηναίοισ Νικοκράτουσ μηνὸσ Μαιμακτηρῶνοσ.