헬라어 문장 검색 - Αρριαν́Αναβασί2́06́

(아리아노스, Anabasis, book 2, chapter 6)

Ἔτι δὲ ἐν Μαλλῷ ὄντι αὐτῷ ἀγγέλλεται Δαρεῖον ἐν Σώχοισ ξὺν τῇ πάσῃ δυνάμει στρατοπεδεύειν. ὁ δὲ χῶροσ οὗτόσ ἐστι μὲν τῆσ Ἀσσυρίασ γῆσ, ἀπέχει δὲ τῶν πυλῶν τῶν Ἀσσυρίων ἐσ δύο μάλιστα σταθμούσ. ἔνθα δὴ ξυναγαγὼν τοὺσ ἑταίρουσ φράζει αὐτοῖσ τὰ ἐξηγγελμένα ὑπὲρ Δαρείου τε καὶ τῆσ στρατιᾶσ τῆσ Δαρείου. οἱ δὲ αὐτόθεν ὡσ εἶχεν ἄγειν ἐκέλευον. ὁ δὲ τότε μὲν ἐπαινέσασ αὐτοὺσ διέλυσε τὸν ξύλλογον, τῇ δὲ ὑστεραίᾳ προ[σ]ῆγεν ὡσ ἐπὶ Δαρεῖόν τε καὶ τοὺσ Πέρσασ.

δευτεραῖοσ δὲ ὑπερβαλὼν τὰσ πύλασ ἐστρατοπέδευσε πρὸσ Μυριάνδρῳ πόλει· καὶ τῆσ νυκτὸσ χειμὼν ἐπιγίγνεται σκληρὸσ καὶ ὕδωρ τε ἐξ οὐρανοῦ καὶ πνεῦμα βίαιον· τοῦτο κατέσχεν ἐν τῷ στρατοπέδῳ Ἀλέξανδρον. Δαρεῖοσ δὲ τέωσ μὲν ξὺν τῇ στρατιᾷ διέτριβεν, ἐπιλεξάμενοσ τῆσ Ἀσσυρίασ γῆσ πεδίον πάντῃ ἀναπεπταμένον καὶ τῷ τε πλήθει τῆσ στρατιᾶσ ἐπιτήδειον καὶ ἐνιππάσασθαι τῇ ἵππῳ ξύμφορον.

καὶ τοῦτο τὸ χωρίον ξυνεβούλευεν αὐτῷ μὴ ἀπολείπειν Ἀμύντασ ὁ Ἀντιόχου, ὁ παρὰ Ἀλεξάνδρου αὐτόμολοσ· εἶναι γὰρ τὴν εὐρυχωρίαν πρὸσ τοῦ πλήθουσ τε καὶ τῆσ σκευῆσ τῶν Περσῶν. καὶ ἔμενε Δαρεῖοσ. ὡσ δὲ ἀλεξάνδρῳ πολλὴ μὲν [ἡ] ἐν Ταρσῷ τριβὴ ἐπὶ τῇ νόσῳ ἐγίνετο, οὐκ ὀλίγη δὲ ἐν Σόλοισ, ἵνα ἔθυέ τε καὶ ἐπόμπευε, καὶ ἐπὶ τοὺσ ὀρεινοὺσ Κίλικασ διέτριψεν ἐξελάσασ, τοῦτο ἔσφηλεν Δαρεῖον τῆσ γνώμησ·

καὶ αὐτόσ τε, ὅ τί περ ἥδιστον ἦν δοξασθέν, ἐσ τοῦτο οὐκ ἀκουσίωσ ὑπήχθη καὶ ὑπὸ τῶν καθ̓ ἡδονὴν ξυνόντων τε καὶ ξυνεσομένων ἐπὶ κακῷ τοῖσ ἀεὶ βασιλεύουσιν ἐπαιρόμενοσ ἔγνω μηκέτι Ἀλέξανδρον ἐθέλειν προϊέναι τοῦ πρόσω, ἀλλ̓ ὀκνεῖν γὰρ πυνθανόμενον ὅτι αὐτὸσ προσάγοι· καταπατήσειν τε τῇ ἵππῳ τῶν Μακεδόνων τὴν στρατιὰν ἄλλοσ ἄλλοθεν αὐτῷ ἐπαίροντεσ ἔλεγον·

καίτοι γε Ἀμύντασ ἥξειν τε Ἀλέξανδρον ἰσχυρίζετο, ὅπου ἂν πύθηται Δαρεῖον ὄντα, καὶ αὐτοῦ προσμένειν ἐκέλευεν.

ἀλλὰ τὰ χείρω μᾶλλον, ὅτι καὶ ἐν τῷ παραυτίκα ἡδίω ἀκοῦσαι ἦν, ἔπειθε· καί τι καὶ δαιμόνιον τυχὸν ἦγεν αὐτὸν εἰσ ἐκεῖνον τὸν χῶρον, οὗ μήτε ἐκ τῆσ ἵππου πολλὴ ὠφέλεια αὐτῷ ἐγένετο, μήτε ἐκ τοῦ πλήθουσ αὐτοῦ τῶν τε ἀνθρώπων καὶ τῶν ἀκοντίων τε καὶ τοξευμάτων, μηδὲ τὴν λαμπρότητα αὐτὴν τῆσ στρατιᾶσ ἐπιδεῖξαι ἠδυνήθη, ἀλλὰ Ἀλεξάνδρῳ τε καὶ τοῖσ ἀμφ̓ αὐτὸν εὐμαρῶσ τὴν νίκην παρέδωκεν. ἐχρῆν γὰρ ἤδη καὶ Πέρσασ πρὸσ Μακεδόνων ἀφαιρεθῆναι τῆσ Περσῶν ἀφῃρέθησαν, πρὸσ Μήδων δὲ ἔτι ἔμπροσθεν Ἀσσύριοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 6

(아리아노스, Anabasis, book 2, chapter 6)

상위

목록

SEARCH

MENU NAVIGATION