헬라어 문장 검색 - Αρριαν́Αναβασί2́03́

(아리아노스, Anabasis, book 2, chapter 3)

Ἀλέξανδροσ δὲ ὡσ ἐσ Γόρδιον παρῆλθε, πόθοσ λαμβάνει αὐτὸν ἀνελθόντα ἐσ τὴν ἄκραν, ἵνα καὶ τὰ βασίλεια ἦν τὰ Γορδίου καὶ τοῦ παιδὸσ αὐτοῦ Μίδου, τὴν ἅμαξαν ἰδεῖν τὴν Γορδίου καὶ τοῦ ζυγοῦ τῆσ ἁμάξησ τὸν δεσμόν. λόγοσ δὲ περὶ τῆσ ἀμάξησ ἐκείνησ παρὰ τοῖσ προσχώροισ πολὺσ κατεῖχε, Γόρδιον εἶναι τῶν πάλαι Φρυγῶν ἄνδρα πένητα καὶ ὀλίγην εἶναι αὐτῷ γῆν ἐργάζεσθαι καὶ ζεύγη βοῶν δύο·

καὶ τῷ μὲν ἀροτριᾶν, τῶ δὲ ἁμαξεύειν τὸν Γόρδιον. καί ποτε ἀροῦντοσ αὐτοῦ ἐπιστῆναι ἐπὶ τὸν ζυγὸν ἀετὸν καὶ ἐπιμεῖναι ἔστε ἐπὶ βουλυτὸν καθήμενον·

τὸν δὲ ἐκπλαγέντα τῇ ὄψει ἰέναι κοινώσοντα ὑπὲρ τοῦ θείου παρὰ τοὺσ Τελμισσέασ τοὺσ μάντεισ· εἶναι γὰρ τοὺσ Τελμισσέασ σοφοὺσ τὰ θεῖα ἐξηγεῖσθαι καὶ σφισιν ἀπὸ γένουσ δεδόσθαι αὐτοῖσ καὶ γυναιξὶν καὶ παισὶ τὴν μαντείαν. προσάγοντα δὲ κώμῃ τινὶ τῶν Τελμισσέων ἐντυχεῖν παρθένῳ ὑδρευομένῃ καὶ πρὸσ ταύτην εἰπεῖν ὅπωσ οἱ τὸ τοῦ ἀετοῦ ἔσχε·

τὴν δέ, εἶναι γὰρ καὶ αὐτὴν τοῦ μαντικοῦ γένουσ, θύειν κελεῦσαι τῷ Διὶ τῷ βασιλεῖ, ἐπανελθόντα ἐσ τὸν τόπον αὐτόν. καὶ, δεηθῆναι γὰρ αὐτῆσ Γόρδιον τὴν θυσίαν ξυνεπισπομένην οἱ αὐτὴν ἐξηγήσασθαι, θῦσαί τε ὅπωσ ἐκείνη ὑπετίθετο τὸν Γόρδιον καὶ ξυγγενέσθαι ἐπὶ γάμῳ τῇ παιδὶ καὶ γενέσθαι αὐτοῖν παῖδα Μίδαν ὄνομα. ἤδη τε ἄνδρα εἶναι τὸν Μίδαν καλὸν καὶ γενναῖον καὶ ἐν τούτῳ στάσει πιέζεσθαι ἐν σφίσι τοὺσ Φρύγασ, καὶ γενέσθαι αὐτοῖσ χρησμὸν, ὅτι ἅμαξα ἄξει αὐτοῖσ βασιλέα καὶ ὅτι οὗτοσ αὐτοῖσ καταπαύσει τὴν στάσιν.

ἔτι δὲ περὶ αὐτῶν τούτων βουλευομένοισ ἐλθεῖν τὸν Μίδαν ὁμοῦ τῷ πατρὶ καὶ τῇ μητρὶ καὶ ἐπιστῆναι τῇ ἐκκλησίᾳ αὐτῇ ἁμάξῃ. τοὺσ δὲ ξυμβαλόντασ τὸ μαντεῖον τοῦτον ἐκεῖνον γνῶναι ὄντα, ὅντινα ὁ θεὸσ αὐτοῖσ ἔφραζεν, ὅτι ἄξει ἡ ἅμαξα·

καὶ καταστῆσαι μὲν αὐτοὺσ βασιλέα τὸν Μίδαν, Μίδαν δὲ αὐτοῖσ τὴν στάσιν καταπαῦσαι, καὶ τὴν ἅμαξαν τοῦ πατρὸσ ἐν τῇ ἄκρᾳ ἀναθεῖναι χαριστήρια τῷ Διὶ τῷ βασιλεῖ ἐπὶ τοῦ ἀετοῦ τῇ πομπῇ. πρὸσ δὲ δὴ τούτοισ καὶ τόδε περὶ τῆσ ἁμάξησ ἐμυθεύετο, ὅστισ λύσειε τοῦ ζυγοῦ τῆσ ἁμάξησ τὸν δεσμόν, τοῦτον χρῆναι ἄρξαι τῆσ Ἀσίασ. ἦν δὲ ὁ δεσμὸσ ἐκ φλοιοῦ κρανίασ καὶ τούτου οὔτε τέλοσ οὔτε ἀρχὴ ἐφαίνετο.

Ἀλέξανδροσ δὲ ὡσ ἀπόρωσ μὲν εἶχεν ἐξευρεῖν λύσιν τοῦ δεσμοῦ, ἄλυτον δὲ περιιδεῖν οὐκ ἤθελε, μή τινα καὶ τοῦτο ἐσ τοὺσ πολλοὺσ κίνησιν ἐργάσηται, οἱ μὲν λέγουσιν, ὅτι παίσασ τῷ ξίφει διέκοψε τὸν δεσμὸν καὶ λελύσθαι ἔφη· Ἀριστόβουλοσ δὲ λέγει ἐξελόντα τὸν ἕστορα τοῦ ῥυμοῦ, ὃσ ἦν τύλοσ διαβεβλημένοσ διὰ τοῦ ῥυμοῦ διαμπάξ, ξυνέχων τὸν δεσμόν, ἐξελκύσαι ἔξω τοῦ ῥυμοῦ τὸν ζυγόν. ὅπωσ μὲν δὴ ἐπράχθη τὰ ἀμφὶ τῷ δεσμῷ τούτῳ Ἀλεξάνδρῳ οὐκ ἔχω ἰσχυρίσασθαι.

ἀπηλλάγη δ̓ οὖν ἀπὸ τῆσ ἁμάξησ αὐτόσ τε καὶ οἱ ἀμφ̓ αὐτὸν ὡσ τοῦ λογίου τοῦ ἐπὶ τῇ λύσει τοῦ δεσμοῦ ξυμβεβηκότοσ. καὶ γὰρ καὶ τῆσ νυκτὸσ ἐκείνησ βρονταί τε καὶ σέλασ ἐξ οὐρανοῦ ἐπεσήμηναν· καὶ ἐπὶ τούτοισ ἔθυε τῇ ὑστεραίᾳ Ἀλέξανδροσ τοῖσ φήνασι θεοῖσ τά τε σημεῖα καὶ τοῦ δεσμοῦ τὴν λύσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 3

(아리아노스, Anabasis, book 2, chapter 3)

상위

목록

SEARCH

MENU NAVIGATION