헬라어 문장 검색 - ΑριστοπήΑξηαρνί10́0́0́

(아리스토파네스, Acharnians, Episode)

ἴττω Ἡρακλῆσ ἔκαμόν γα τὰν τύλαν κακῶσ· κατάθου τὺ τὰν γλάχων’ ἀτρέμασ Ἰσμηνία· ὑμὲσ δ’ ὅσοι Θείβαθεν αὐληταὶ πάρα τοῖσ ὀστίνοισ φυσῆτε τὸν πρωκτὸν κυνόσ. παῦ’ ἐσ κόρακασ. οἱ σφῆκεσ οὐκ ἀπὸ τῶν θυρῶν; πόθεν προσέπτονθ’ οἱ κακῶσ ἀπολούμενοι ἐπὶ τὴν θύραν μοι Χαιριδῆσ βομβαύλιοι; νεὶ τὸν Ιὄλαον ἐπεχαρίττα γ’ ὦ ξένε· Θείβαθε γὰρ φυσᾶντεσ ἐξόπισθέ μου τἄνθια τᾶσ γλάχωνοσ ἀπέκιξαν χαμαί. ἀλλ’ εἴ τι βούλει, πρίασο τῶν ἐγὼ φέρω τῶν ὀρταλίχων ἢ τῶν τετραπτερυλλίδων. ὦ χαῖρε κολλικοφάγε Βοιωτίδιον. τί φέρεισ; ὅσ’ ἐστὶν ἀγαθὰ Βοιωτοῖσ ἁπλῶσ, ὀρίγανον γλαχὼ ψιάθωσ θρυαλλίδασ νάσσασ κολοιὼσ ἀτταγᾶσ φαλαρίδασ τροχίλωσ κολύμβωσ. ὡσπερεὶ χειμὼν ἄρα ὀρνιθίασ ἐσ τὴν ἀγορὰν ἐλήλυθασ. καὶ μὰν φέρω χᾶνασ λαγὼσ ἀλώπεκασ σκάλοπασ ἐχίνωσ αἰελούρωσ πικτίδασ ἰκτῖδασ ἐνύδρωσ ἐγχέλεισ Κωπαί̈δασ. ὦ τερπνότατον σὺ τέμαχοσ ἀνθρώποισ φέρων, δόσ μοι προσειπεῖν, εἰ φέρεισ, τὰσ ἐγχέλεισ. πρέσβειρα πεντήκοντα Κωπᾴδων κορᾶν, ἔκβαθι τῶδε κἠπιχάριτται τῷ ξένῳ. ὦ φιλτάτη σὺ καὶ πάλαι ποθουμένη, ἦλθεσ ποθεινὴ μὲν τρυγῳδικοῖσ χοροῖσ, φίλη δὲ Μορύχῳ. δμῶεσ ἐξενέγκατε τὴν ἐσχάραν μοι δεῦρο καὶ τὴν ῥιπίδα. σκέψασθε παῖδεσ τὴν ἀρίστην ἔγχελυν, ἥκουσαν ἕκτῳ μόλισ ἔτει ποθουμένην· προσείπατ’ αὐτὴν ὦ τέκν’· ἄνθρακασ δ’ ἐγὼ ὑμῖν παρέξω τῆσδε τῆσ ξένησ χάριν. ἀλλ’ ἔσφερ’ αὐτήν· μηδὲ γὰρ θανών ποτε σοῦ χωρὶσ εἰήν ἐντετευτλανωμένησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Acharnians, Episode

(아리스토파네스, Acharnians, Episode)

상위

목록

SEARCH

MENU NAVIGATION