헬라어 문장 검색 - Αεσξηψ́Προμετή09́1́12́

(아이스킬로스, 결박된 프로메테우스, episode, lyric 12:)

ἔστιν πόλισ Κάνωβοσ ἐσχάτη χθονόσ, Νείλου πρὸσ αὐτῷ στόματι καὶ προσχώματι· ἐνταῦθα δή σε Ζεὺσ τίθησιν ἔμφρονα ἐπαφῶν ἀταρβεῖ χειρὶ καὶ θιγὼν μόνον. ἐπώνυμον δὲ τῶν Διὸσ γεννημάτων τέξεισ κελαινὸν Ἔπαφον, ὃσ καρπώσεται ὅσην πλατύρρουσ Νεῖλοσ ἀρδεύει χθόνα· πέμπτη δ’ ἀπ’ αὐτοῦ γέννα πεντηκοντάπαισ πάλιν πρὸσ Ἄργοσ οὐχ ἑκοῦσ’ ἐλεύσεται θηλύσποροσ, φεύγουσα συγγενῆ γάμον ἀνεψιῶν· οἱ δ’ ἐπτοημένοι φρένασ, κίρκοι πελειῶν οὐ μακρὰν λελειμμένοι, ἥξουσι θηρεύοντεσ οὐ θηρασίμουσ γάμουσ, φθόνον δὲ σωμάτων ἕξει θεόσ· Πελασγία δὲ δέξεται θηλυκτόνῳ Ἄρει, δαμέντων νυκτιφρουρήτῳ θράσει. γυνὴ γὰρ ἄνδρ’ ἕκαστον αἰῶνοσ στερεῖ, δίθηκτον ἐν σφαγαῖσι βάψασα ξίφοσ· τοιάδ’ ἐπ’ ἐχθροὺσ τοὺσ ἐμοὺσ ἔλθοι Κύπρισ. μίαν δὲ παίδων ἵμεροσ θέλξει τὸ μὴ κτεῖναι σύνευνον, ἀλλ’ ἀπαμβλυνθήσεται γνώμην· δυοῖν δὲ θάτερον βουλήσεται, κλύειν ἄναλκισ μᾶλλον ἢ μιαιφόνοσ· αὕτη κατ’ Ἄργοσ βασιλικὸν τέξει γένοσ. μακροῦ λόγου δεῖ ταῦτ’ ἐπεξελθεῖν τορῶσ. σπορᾶσ γε μὴν ἐκ τῆσδε φύσεται θρασὺσ τόξοισι κλεινόσ, ὃσ πόνων ἐκ τῶνδ’ ἐμὲ λύσει. τοιόνδε χρησμὸν ἡ παλαιγενὴσ μήτηρ ἐμοὶ διῆλθε Τιτανὶσ Θέμισ· ὅπωσ δὲ χὤπη, ταῦτα δεῖ μακροῦ λόγου εἰπεῖν, σύ τ’ οὐδὲν ἐκμαθοῦσα κερδανεῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Prometheus Bound, episode, lyric 12:

(아이스킬로스, 결박된 프로메테우스, episode, lyric 12:)

상위

목록

SEARCH

MENU NAVIGATION