Strabo, Geography, book 16, chapter 1 28:

ἡ δὲ χώρα φέρει κριθὰσ μὲν ὅσασ οὐκ ἄλλη καὶ γὰρ τριακοσιοντάχουν λέγουσι, τὰ δὲ ἄλλα ἐκ τοῦ φοίνικοσ παρέχεται· καὶ γὰρ ἄρτον καὶ οἶνον καὶ ὄξοσ καὶ μέλι καὶ ἄλφιτα· τά τε πλεκτὰ παντοῖα ἐκ τούτου· τοῖσ δὲ πυρῆσιν ἀντ’ ἀνθράκων οἱ χαλκεῖσ χρῶνται, βρεχόμενοι δὲ τοῖσ σιτιζομένοισ εἰσὶ τροφὴ βουσὶ καὶ προβάτοισ. φασὶ δ’ εἶναι καὶ Περσικὴν ᾠδήν, ἐν ᾗ τὰσ ὠφελείασ τριακοσίασ καὶ ἑξήκοντα διαριθμοῦνται· ἐλαίῳ δὲ χρῶνται τῷ σησαμίνῳ τὸ πλέον· οἱ δ’ ἄλλοι τόποι σπανίζονται τούτου τοῦ φυτοῦ.