Plato, Laws, book 7 109:

καὶ γὰρ οὖν οὑτωσί πωσ δεῖ περὶ αὐτῶν διανοηθῆναι. φέρε, μὴ μετεχουσῶν ἀνδράσι γυναικῶν κοινῇ τῆσ ζωῆσ πάσησ, μῶν οὐκ ἀνάγκη γενέσθαι γέ τινα τάξιν ἑτέραν αὐταῖσ; ἀνάγκη μὲν οὖν. τίνα οὖν ἔμπροσθεν τῶν νῦν ἀποδεδειγμένων θεῖμεν ἂν τῆσ κοινωνίασ ταύτησ ἣν νῦν αὐταῖσ ἡμεῖσ προστάττομεν; πότερον ἣν Θρᾷκεσ ταῖσ γυναιξὶν χρῶνται καὶ πολλὰ ἕτερα γένη, γεωργεῖν τε καὶ βουκολεῖν καὶ ποιμαίνειν καὶ διακονεῖν μηδὲν διαφερόντωσ τῶν δούλων;