Plato, Laws, book 6 2:

ἀλλὰ μὴν μετά γε πάντα τὰ νῦν εἰρημένα σχεδὸν ἂν ἀρχῶν εἰε͂́ν σοι καταστάσεισ τῇ πόλει. ἔχει γὰρ οὖν οὕτω. δύο εἴδη ταῦτα περὶ πολιτείασ κόσμον γιγνόμενα τυγχάνει, πρῶτον μὲν καταστάσεισ ἀρχῶν τε καὶ ἀρξόντων, ὅσασ τε αὐτὰσ εἶναι δεῖ καὶ τρόπον ὅντινα καθισταμένασ· ἔπειτα οὕτω δὴ τοὺσ νόμουσ ταῖσ ἀρχαῖσ ἑκάσταισ ἀποδοτέον, οὕστινάσ τε αὖ καὶ ὅσουσ καὶ οἱούσ προσῆκον ἂν ἑκάσταισ εἰή. σμικρὸν δὲ ἐπισχόντεσ πρὸ τῆσ αἱρέσεωσ, εἴπωμεν προσήκοντά τινα λόγον περὶ αὐτῆσ ῥηθῆναι.