Strabo, Geography, book 16, chapter 1 51:

τὰ δὲ πρὸσ μεσημβρίαν κεκλιμένα τῆσ Μεσοποταμίασ καὶ ἀπωτέρω τῶν ὀρῶν ἄνυδρα καὶ λυπρὰ ὄντα ἔχουσιν οἱ σκηνῖται Ἄραβεσ, λῃστρικοί τινεσ καὶ ποιμενικοί, μεθιστάμενοι ῥᾳδίωσ εἰσ ἄλλουσ τόπουσ, ὅταν ἐπιλείπωσιν αἱ νομαὶ καὶ αἱ λεηλασίαι. τοῖσ οὖν παρορείοισ ὑπό τε τούτων κακοῦσθαι συμβαίνει καὶ ὑπὸ τῶν Ἀρμενίων· ὑπέρκεινται δὲ καὶ καταδυναστεύουσι διὰ τὴν ἰσχύν· τέλοσ δ’ ὑπ’ ἐκείνοισ εἰσὶ τὸ πλέον ἢ τοῖσ Παρθυαίοισ· ἐν πλευραῖσ γάρ εἰσι κἀκεῖνοι τήν τε Μηδίαν ἔχοντεσ καὶ τὴν Βαβυλωνίαν.