호흡부호 보기
강세부호 보기
장단부호 보기
작은 Iota 보기
모든 부호 보기
ἔστι δὲ τῷ ἐκ Θηβῶν εἰσ Ἄργοσ ἀνιόντι ἐν ἀριστερᾷ ἡ Τάναγρα κ . . . ἐν δεξιᾷ κεῖται· καὶ ἡ Ὑρία δὲ τῆσ Ταναγραίασ νῦν ἐστί, πρότερον δὲ τῆσ Θηβαί̈δοσ· ὅπου ὁ Ὑριεὺσ μεμύθευται καὶ ἡ τοῦ Ὠρίωνοσ γένεσισ, ἥν φησι Πίνδαροσ ἐν τοῖσ διθυράμβοισ· κεῖται δ’ ἐγγὺσ Αὐλίδοσ. ἔνιοι δὲ τὰσ Ὑσιὰσ Ὑρίην λέγεσθαί φασι, τῆσ Παρασωπίασ οὖσαν ὑπὸ τῷ Κιθαιρῶνι πλησίον Ἐρυθρῶν ἐν τῇ μεσογαίᾳ, ἄποικον Ὑριέων, κτίσμα δὲ Νυκτέωσ τοῦ Ἀντιόπησ πατρόσ. εἰσὶ δὲ καὶ ἐν τῇ Ἀργείᾳ Ὑσίαι κώμη, οἱ δ’ ἐξ αὐτῆσ Ὑσιᾶται λέγονται. τῶν δ’ Ἐρυθρῶν τούτων ἄποικοι αἱ ἐν Ιὠνίᾳ Ἐρυθραί. καὶ ὁ Ἑλεὼν δ’ ἐστὶ κώμη Ταναγρική, ἀπὸ τῶν ἑλῶν ὠνομασμένη.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기