Plutarch, De fortuna Romanorum, section 11 5:

οὗτοσ τὸ Κίμβρων καὶ τὸ Τευτόνων στράτευμα μεγάλοισ διαστήμασι τόπων καὶ χρόνων ἐχώρισε καὶ διέσπασεν, ἵν’ ἀρκέσῃ Μάριοσ ἑκατέροισ ἀνὰ μέροσ μαχόμενοσ, καὶ μὴ συμπεσοῦσαι τριάκοντα μυριάδεσ ἀνδρῶν ἀηττήτων καὶ ἀμάχων ὅπλων ὁμοῦ κατακλύσωσι τὴν Ἰταλίαν. διὰ τοῦτον Ἀντίοχοσ μὲν ἠσχολεῖτο πολεμουμένου Φιλίππου, Φίλιπποσ δὲ κινδυνεύοντοσ Ἀντιόχου προηττημένοσ ἔπιπτε· Μιθριδάτην δέ, τοῦ Μαρσικοῦ πολέμου τὴν Ῥώμην ἐπιφλέγοντοσ, οἱ Σαρματικοὶ καὶ Βασταρνικοὶ πόλεμοι κατεῖχον·