Diogenes Laertius, Lives of Eminent Philosophers, B, Kef. h'. ARISTIPPOS 22:

ἔχει δὲ οὕτωσ· Ἀριστίππου διήκουσεν ἡ θυγάτηρ Ἀρήτη καὶ Αἰθίοψ Πτολεμαεὺσ καὶ Ἀντίπατροσ Κυρηναῖοσ· Ἀρήτησ δὲ Ἀρίστιπποσ ὁ μητροδίδακτοσ ἐπικληθείσ, οὗ Θεόδωροσ ὁ ἄθεοσ, εἶτα θεόσ· Ἀντιπάτρου δ’ Ἐπιτιμίδησ Κυρηναῖοσ, οὗ Παραιβάτησ, οὗ Ἡγησίασ ὁ πεισιθάνατοσ καὶ Ἀννίκερισ [ὁ Πλάτωνα λυτρωσάμενοσ]. Οἱ μὲν οὖν ἐπὶ τῆσ ἀγωγῆσ τῆσ Ἀριστίππου μείναντεσ καὶ Κυρηναϊκοὶ προσαγορευθέντεσ δόξαισ ἐχρῶντο τοιαύταισ· δύο πάθη ὑφίσταντο, πόνον καὶ ἡδονήν, τὴν μὲν λείαν κίνησιν, τὴν ἡδονήν, τὸν δὲ πόνον τραχεῖαν κίνησιν.