호흡부호 보기
강세부호 보기
장단부호 보기
작은 Iota 보기
모든 부호 보기
πολλαῖσ δὲ κέχρηται μεταβολαῖσ ἡ τῶν Μεγαρέων πόλισ, συμμένει δ’ ὅμωσ μέχρι νῦν. ἔσχε δέ ποτε καὶ φιλοσόφων διατριβὰσ τῶν προσαγορευθέντων Μεγαρικῶν, Εὐκλείδην διαδεξαμένων ἄνδρα Σωκρατικόν, Μεγαρέα τὸ γένοσ· καθάπερ καὶ Φαίδωνα μὲν τὸν Ἠλεῖον οἱ Ἠλειακοὶ διεδέξαντο, καὶ τοῦτον Σωκρατικόν, ὧν ἦν καὶ Πύρρων, Μενέδημον δὲ τὸν Ἐρετριέα οἱ Ἐρετρικοί. ἔστι δ’ ἡ χώρα τῶν Μεγαρέων παράλυπροσ καθάπερ καὶ ἡ Ἀττική, καὶ τὸ πλέον αὐτῆσ ἐπέχει τὰ καλούμενα Ὄνεια ὄρη, ῥάχισ τισ μηκυνομένη μὲν ἀπὸ τῶν Σκιρωνίδων πετρῶν ἐπὶ τὴν Βοιωτίαν καὶ τὸν Κιθαιρῶνα, διείργουσα δὲ τὴν κατὰ Νίσαιαν θάλατταν ἀπὸ τῆσ κατὰ τὰσ Παγὰσ Ἀλκυονίδοσ προσαγορευομένησ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기