Xenophon, Works on Socrates, Συμπόσιον, chapter 9 9:

τέλοσ δὲ οἱ συμπόται ἰδόντεσ περιβεβληκότασ τε ἀλλήλουσ καὶ ὡσ εἰσ εὐνὴν ἀπιόντασ, οἱ μὲν ἄγαμοι γαμεῖν ἐπώμνυσαν, οἱ δὲ γεγαμηκότεσ ἀναβάντεσ ἐπὶ τοὺσ ἵππουσ ἀπήλαυνον πρὸσ τὰσ ἑαυτῶν γυναῖκασ, ὅπωσ τούτων τύχοιεν. Σωκράτησ δὲ καὶ τῶν ἄλλων οἱ ὑπομείναντεσ πρὸσ Λύκωνα καὶ τὸν υἱὸν σὺν Καλλίᾳ περιπατήσοντεσ ἀπῆλθον. αὕτη τοῦ τότε συμποσίου κατάλυσισ ἐγένετο.