Xenophon, Works on Socrates, Συμπόσιον, chapter 8 40:

εἰ οὖν βούλει τούτῳ ἀρέσκειν, σκεπτέον μέν σοι ποῖα ἐπιστάμενοσ Θεμιστοκλῆσ ἱκανὸσ ἐγένετο τὴν Ἑλλάδα ἐλευθεροῦν, σκεπτέον δὲ ποῖά ποτε εἰδὼσ Περικλῆσ κράτιστοσ ἐδόκει τῇ πατρίδι σύμβουλοσ εἶναι, ἀθρητέον δὲ καὶ πῶσ ποτε Σόλων φιλοσοφήσασ νόμουσ κρατίστουσ τῇ πόλει κατέθηκεν, ἐρευνητέον δὲ καὶ ποῖα Λακεδαιμόνιοι ἀσκοῦντεσ κράτιστοι δοκοῦσιν ἡγεμόνεσ εἶναι· προξενεῖσ δὲ καὶ κατάγονται ἀεὶ παρὰ σοὶ οἱ κράτιστοι αὐτῶν.