헬라어 문장 검색 - ΧενοπήΩορκσον́3́06́

(크세노폰, Works on Socrates, Συμπόσιον, chapter 6)

ἐκ δὲ τούτου οἱ μὲν τὰ νικητήρια φιλήματα ἀπολαμβάνειν τὸν Κριτόβουλον ἐκέλευον, οἱ δὲ τὸν κύριον πείθειν, οἱ δὲ καὶ ἄλλα ἔσκωπτον. ὁ δὲ Ἑρμογένησ κἀνταῦθα ἐσιώπα. καὶ ὁ Σωκράτησ ὀνομάσασ αὐτόν, ἔχοισ ἄν, ἔφη, ὦ Ἑρμόγενεσ, εἰπεῖν ἡμῖν τί ἐστὶ παροινία; καὶ ὃσ ἀπεκρίνατο· εἰ μὲν ὅ τι ἐστὶν ἐρωτᾷσ, οὐκ οἶδα· τὸ μέντοι μοι δοκοῦν εἴποιμ’ ἄν. ἀλλ’, ὃ δοκεῖ, τοῦτ’, ἔφη.

τὸ τοίνυν παρ’ οἶνον λυπεῖν τοὺσ συνόντασ, τοῦτ’ ἐγὼ κρίνω παροινίαν. οἶσθ’ οὖν, ἔφη, ὅτι καὶ σὺ νῦν ἡμᾶσ λυπεῖσ σιωπῶν; ἦ καὶ ὅταν λέγητ’; ἔφη. οὐκ ἀλλ’ ὅταν διαλίπωμεν. ἦ οὖν λέληθέ σε ὅτι μεταξὺ τοῦ ὑμᾶσ λέγειν οὐδ’ ἂν τρίχα, μὴ ὅτι λόγον ἄν τισ παρείρειε; καὶ ὁ Σωκράτησ, ὦ Καλλία, ἔχοισ ἄν τι, ἔφη, ἀνδρὶ ἐλεγχομένῳ βοηθῆσαι;

ἔγωγ’, ἔφη. ὅταν γὰρ ὁ αὐλὸσ φθέγγηται, παντάπασι σιωπῶμεν. καὶ ὁ Ἑρμογένησ, ἦ οὖν βούλεσθε, ἔφη, ὥσπερ Νικόστρατοσ ὁ ὑποκριτὴσ τετράμετρα πρὸσ τὸν αὐλὸν κατέλεγεν, οὕτω καὶ ὑπὸ τοῦ αὐλοῦ ὑμῖν διαλέγωμαι; καὶ ὁ Σωκράτησ, πρὸσ τῶν θεῶν, ἔφη, Ἑρμόγενεσ, οὕτω ποίει.

οἶμαι γάρ, ὥσπερ ἡ ᾠδὴ ἡδίων πρὸσ τὸν αὐλόν, οὕτω καὶ τοὺσ σοὺσ λόγουσ ἡδύνεσθαι ἄν τι ὑπὸ τῶν φθόγγων, ἄλλωσ τε καὶ εἰ μορφάζοισ, ὥσπερ ἡ αὐλητρίσ, καὶ σὺ πρὸσ τὰ λεγόμενα. καὶ ὁ Καλλίασ ἔφη·

ὅταν οὖν ὁ Ἀντισθένησ ὅδ’ ἐλέγχῃ τινὰ ἐν τῷ συμποσίῳ, τί ἔσται τὸ αὔλημα; καὶ ὁ Ἀντισθένησ εἶπε· Τῷ μὲν ἐλεγχομένῳ οἶμαι ἄν, ἔφη, πρέπειν συριγμόν. τοιούτων δὲ λόγων ὄντων ὡσ ἑώρα ὁ Συρακόσιοσ τῶν μὲν αὑτοῦ ἐπιδειγμάτων ἀμελοῦντασ, ἀλλήλοισ δὲ ἡδομένουσ, φθονῶν τῷ Σωκράτει εἶπεν·

ἆρα σύ, ὦ Σώκρατεσ, ὁ φροντιστὴσ ἐπικαλούμενοσ; οὐκοῦν κάλλιον, ἔφη, ἢ εἰ ἀφρόντιστοσ ἐκαλούμην. εἰ μή γε ἐδόκεισ τῶν μετεώρων φροντιστὴσ εἶναι. οἶσθα οὖν, ἔφη ὁ Σωκράτησ, μετεωρότερόν τι τῶν θεῶν;

ἀλλ’ οὐ μὰ Δί’, ἔφη, οὐ τούτων σε λέγουσιν ἐπιμελεῖσθαι, ἀλλὰ τῶν ἀνωφελεστάτων. οὐκοῦν καὶ οὕτωσ ἄν, ἔφη, θεῶν ἐπιμελοίμην· ἄνωθεν μέν γε ὑόντεσ ὠφελοῦσιν, ἄνωθεν δὲ φῶσ παρέχουσιν. εἰ δὲ ψυχρὰ λέγω, σὺ αἴτιοσ, ἔφη, πράγματά μοι παρέχων. ταῦτα μέν, ἔφη, ἐά·

ἀλλ’ εἰπέ μοι πόσουσ ψύλλα πόδασ ἐμοῦ ἀπέχει. ταῦτα γάρ σέ φασι γεωμετρεῖν. καὶ ὁ Ἀντισθένησ εἶπε· σὺ μέντοι δεινὸσ εἶ, ὦ Φίλιππε, εἰκάζειν· οὐ δοκεῖ σοι ὁ ἀνὴρ οὗτοσ λοιδορεῖσθαι βουλομένῳ ἐοικέναι; ναὶ μὰ τὸν Δί’, ἔφη, καὶ ἄλλοισ γε πολλοῖσ. ἀλλ’ ὅμωσ, ἔφη ὁ Σωκράτησ, σὺ αὐτὸν μὴ εἴκαζε, ἵνα μὴ καὶ σὺ λοιδορουμένῳ ἐοίκῃσ.

ἀλλ’ εἴπερ γε τοῖσ πᾶσι καλοῖσ καὶ τοῖσ βελτίστοισ εἰκάζω αὐτόν, ἐπαινοῦντι μᾶλλον ἢ λοιδορουμένῳ δικαίωσ ἂν εἰκάζοι μέ τισ. καὶ νῦν σύγε λοιδορουμένῳ ἐοίκασ, εἰ πάντ’ αὐτοῦ βελτίων φῂσ εἶναι. ἀλλὰ βούλει πονηροτέροισ εἰκάζω αὐτόν;

μηδὲ πονηροτέροισ. ἀλλὰ μηδενί; μηδενὶ μηδὲ τούτων εἴκαζε. ἀλλ’ οὐ μέντοι γε σιωπῶν οἶδα ὅπωσ ἄξια τοῦ δείπνου ἐργάσομαι. καὶ ῥᾳδίωσ γ’, ἂν ἃ μὴ δεῖ λέγειν, ἔφη, σιωπᾷσ. αὕτη μὲν δὴ ἡ παροινία οὕτω κατεσβέσθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Works on Socrates, Συμπόσιον, chapter 6

(크세노폰, Works on Socrates, Συμπόσιον, chapter 6)

상위

목록

SEARCH

MENU NAVIGATION