헬라어 문장 검색 - ΧενοπήΩορκσον́3́05́

(크세노폰, Works on Socrates, Συμπόσιον, chapter 5)

ὁ δὲ Καλλίασ ἔφη· σὺ δὲ δή, ὦ Κριτόβουλε, εἰσ τὸν περὶ τοῦ κάλλουσ ἀγῶνα πρὸσ Σωκράτην οὐκ ἀνθίστασαι; νὴ Δί’, ἔφη ὁ Σωκράτησ, ἴσωσ γὰρ εὐδοκιμοῦντα τὸν μαστροπὸν παρὰ τοῖσ κριταῖσ ὁρᾷ. ἀλλ’ ὅμωσ, ἔφη ὁ Κριτόβουλοσ, οὐκ ἀναδύομαι·

ἀλλὰ δίδασκε, εἴ τι ἔχεισ σοφόν, ὡσ καλλίων εἶ ἐμοῦ. μόνον, ἔφη, τὸν λαμπτῆρα ἐγγὺσ προσενεγκάτω. εἰσ ἀνάκρισιν τοίνυν σε, ἔφη, πρῶτον τῆσ δίκησ καλοῦμαι· ἀλλ’ ἀποκρίνου. σὺ δέ γε ἐρώτα.

πότερον οὖν ἐν ἀνθρώπῳ μόνον νομίζεισ τὸ καλὸν εἶναι ἢ καὶ ἐν ἄλλῳ τινί; ἐγὼ μὲν ναὶ μὰ Δί’, ἔφη, καὶ ἐν ἵππῳ καὶ βοὶ̈ καὶ ἐν ἀψύχοισ πολλοῖσ. οἶδα γοῦν οὖσαν καὶ ἀσπίδα καλὴν καὶ ξίφοσ καὶ δόρυ. καὶ πῶσ, ἔφη, οἱο͂́ν τε ταῦτα μηδὲν ὅμοια ὄντα ἀλλήλοισ πάντα καλὰ εἶναι;

ἂν νὴ Δί’, ἔφη, πρὸσ τὰ ἔργα ὧν ἕνεκα ἕκαστα κτώμεθα εὖ εἰργασμένα ᾖ ἢ εὖ πεφυκότα πρὸσ ἃ ἂν δεώμεθα, καὶ ταῦτ’, ἔφη ὁ Κριτόβουλοσ, καλά. οἶσθα οὖν, ἔφη, ὀφθαλμῶν τίνοσ ἕνεκα δεόμεθα;

δῆλον, ἔφη, ὅτι τοῦ ὁρᾶν. οὕτω μὲν τοίνυν ἤδη οἱ ἐμοὶ ὀφθαλμοὶ καλλίονεσ ἂν τῶν σῶν εἰήσαν. πῶσ δή; ὅτι οἱ μὲν σοὶ τὸ κατ’ εὐθὺ μόνον ὁρῶσιν, οἱ δὲ ἐμοὶ καὶ τὸ ἐκ πλαγίου διὰ τὸ ἐπιπόλαιοι εἶναι. λέγεισ σύ, ἔφη, καρκίνον εὐοφθαλμότατον εἶναι τῶν ζῴων; πάντωσ δήπου, ἔφη· ἐπεὶ καὶ πρὸσ ἰσχὺν τοὺσ ὀφθαλμοὺσ ἄριστα πεφυκότασ ἔχει. εἰε͂ν, ἔφη, τῶν δὲ ῥινῶν ποτέρα καλλίων, ἡ σὴ ἢ ἡ ἐμή;

ἐγὼ μέν, ἔφη, οἶμαι τὴν ἐμήν, εἴπερ γε τοῦ ὀσφραίνεσθαι ἕνεκεν ἐποίησαν ἡμῖν ῥῖνασ οἱ θεοί. οἱ μὲν γὰρ σοὶ μυκτῆρεσ εἰσ γῆν ὁρῶσιν, οἱ δὲ ἐμοὶ ἀναπέπτανται, ὥστε τὰσ πάντοθεν ὀσμὰσ προσδέχεσθαι. τὸ δὲ δὴ σιμὸν τῆσ ῥινὸσ πῶσ τοῦ ὀρθοῦ κάλλιον; ὅτι, ἔφη, οὐκ ἀντιφράττει, ἀλλ’ ἐᾷ εὐθὺσ τὰσ ὄψεισ ὁρᾶν ἃ ἂν βούλωνται· ἡ δὲ ὑψηλὴ ῥὶσ ὥσπερ ἐπηρεάζουσα διατετείχικε τὰ ὄμματα. τοῦ γε μὴν στόματοσ, ἔφη ὁ Κριτόβουλοσ, ὑφίεμαι.

εἰ γὰρ τοῦ ἀποδάκνειν ἕνεκα πεποίηται, πολὺ ἂν σὺ μεῖζον ἢ ἐγὼ ἀποδάκοισ. διὰ δὲ τὸ παχέα ἔχειν τὰ χείλη οὐκ οἰεί καὶ μαλακώτερόν σου ἔχειν τὸ φίλημα; ἐοίκα, ἔφη, ἐγὼ κατὰ τὸν σὸν λόγον καὶ τῶν ὄνων αἴσχιον τὸ στόμα ἔχειν. ἐκεῖνο δὲ οὐδὲν τεκμήριον λογίζῃ, ὡσ ἐγὼ σοῦ καλλίων εἰμί, ὅτι καὶ Ναί̈δεσ θεοὶ οὖσαι τοὺσ Σειληνοὺσ ἐμοὶ ὁμοιοτέρουσ τίκτουσιν ἢ σοί; καὶ ὁ Κριτόβουλοσ, οὐκέτι, ἔφη, ἔχω πρὸσ σὲ ἀντιλέγειν, ἀλλὰ διαφερόντων, ἔφη, τὰσ ψήφουσ, ἵνα ὡσ τάχιστα εἰδῶ ὅ τι με χρὴ παθεῖν ἢ ἀποτεῖσαι.

μόνον, ἔφη, κρυφῇ φερόντων· δέδοικα γὰρ τὸν σὸν καὶ Ἀντισθένουσ πλοῦτον μή με καταδυναστεύσῃ. ἡ μὲν δὴ παῖσ καὶ ὁ παῖσ κρύφα ἀνέφερον.

ὁ δὲ Σωκράτησ ἐν τούτῳ διέπραττε τόν τε λύχνον ἀντιπροσενεγκεῖν τῷ Κριτοβούλῳ, ὡσ μὴ ἐξαπατηθείησαν οἱ κριταί, καὶ τῷ νικήσαντι μὴ ταινίασ ἀλλὰ φιλήματα ἀναδήματα παρὰ τῶν κριτῶν γενέσθαι. ἐπεὶ δὲ ἐξέπεσον αἱ ψῆφοι καὶ ἐγένοντο πᾶσαι σὺν Κριτοβούλῳ, παπαῖ, ἔφη ὁ Σωκράτησ, οὐχ ὅμοιον ἐοίκε τὸ σὸν ἀργύριον, ὦ Κριτόβουλε, τῷ Καλλίου εἶναι.

τὸ μὲν γὰρ τούτου δικαιοτέρουσ ποιεῖ, τὸ δὲ σὸν ὥσπερ τὸ πλεῖστον διαφθείρειν ἱκανόν ἐστι καὶ δικαστὰσ καὶ κριτάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Works on Socrates, Συμπόσιον, chapter 5

(크세노폰, Works on Socrates, Συμπόσιον, chapter 5)

상위

목록

SEARCH

MENU NAVIGATION