Xenophon, Works on Socrates, Συμπόσιον, chapter 3 14:

ἐπεὶ δὲ ἅπαντεσ ἡσθέντεσ ὅτι ἤκουσαν αὐτοῦ φωνήσαντοσ προσέβλεψαν, ἤρετό τισ αὐτόν· ἀλλ’ ἐπὶ τῷ μήν, ὦ Αὐτόλυκε; ὁ δ’ εἶπεν· Ἐπὶ τῷ πατρί, καὶ ἅμα ἐνεκλίθη αὐτῷ. καὶ ὁ Καλλίασ ἰδών, Ἆρ’ οἶσθα, ἔφη, ὦ Λύκων, ὅτι πλουσιώτατοσ εἶ ἀνθρώπων; μὰ Δί’, ἔφη, τοῦτο μέντοι ἐγὼ οὐκ οἶδα. ἀλλὰ λανθάνει σε ὅτι οὐκ ἂν δέξαιο τὰ βασιλέωσ χρήματα ἀντὶ τοῦ υἱοῦ; ἐπ’ αὐτοφώρῳ εἴλημμαι, ἔφη, πλουσιώτατοσ, ὡσ ἐοίκεν, ἀνθρώπων ὤν.