Xenophon, Minor Works, Πόροι ἢ περὶ Προσόδων, chapter 6 2:

ἀλλ’ εἴ γε μὴν τῶν εἰρημένων ἀδύνατον μὲν μηδέν ἐστι μηδὲ χαλεπόν, πραττομένων δὲ αὐτῶν προσφιλέστεροι μὲν τοῖσ Ἕλλησι γενησόμεθα, ἀσφαλέστερον δὲ οἰκήσομεν, εὐκλεέστεροι δὲ ἐσόμεθα, καὶ ὁ μὲν δῆμοσ τροφῆσ εὐπορήσει, οἱ δὲ πλούσιοι τῆσ εἰσ τὸν πόλεμον δαπάνησ ἀπαλλαγήσονται, περιουσίασ δὲ πολλῆσ γενομένησ μεγαλοπρεπέστερον μὲν ἔτι ἢ νῦν ἑορτὰσ ἄξομεν, ἱερὰ δ’ ἐπισκευάσομεν, τείχη δὲ καὶ νεώρια ἀνορθώσομεν, ἱερεῦσι δὲ καὶ βουλῇ καὶ ἀρχαῖσ καὶ ἱππεῦσι τὰ πάτρια ἀποδώσομεν, πῶσ οὐκ ἄξιον ὡσ τάχιστα τούτοισ ἐγχειρεῖν, ἵνα ἔτι ἐφ’ ἡμῶν ἐπίδωμεν τὴν πόλιν μετ’ ἀσφαλείασ εὐδαιμονοῦσαν;