헬라어 문장 검색 - ΧενοπήΜινορΩό7́03́

(크세노폰, Minor Works, Πόροι ἢ περὶ Προσόδων, chapter 3)

ὥσ γε μὴν καὶ ἐμπορεύεσθαι ἡδίστη τε καὶ κερδαλεωτάτη ἡ πόλισ, νῦν ταῦτα λέξω. πρῶτον μὲν γὰρ δήπου ναυσὶ καλλίστασ καὶ ἀσφαλεστάτασ ὑποδοχὰσ ἔχει, ὅπου γ’ ἔστιν εἰσορμισθέντασ ἀδεῶσ ἕνεκα χειμῶνοσ ἀναπαύεσθαι. ἀλλὰ μὴν καὶ τοῖσ ἐμπόροισ ἐν μὲν ταῖσ πλείσταισ τῶν πόλεων ἀντιφορτίζεσθαί τι ἀνάγκη·

νομίσμασι γὰρ οὐ χρησίμοισ ἔξω χρῶνται· ἐν δὲ ταῖσ Ἀθήναισ πλεῖστα μὲν ἔστιν ἀντεξάγειν ὧν ἂν δέωνται ἄνθρωποι, ἢν δὲ μὴ βούλωνται ἀντιφορτίζεσθαι, καὶ οἱ ἀργύριον ἐξάγοντεσ καλὴν ἐμπορίαν ἐξάγουσιν. ὅπου γὰρ ἂν πωλῶσιν αὐτό, πανταχοῦ πλέον τοῦ ἀρχαίου λαμβάνουσιν. εἰ δὲ καὶ τῇ τοῦ ἐμπορίου ἀρχῇ ἆθλα προτιθείη τισ ὅστισ δικαιότατα καὶ τάχιστα διαιροίη τὰ ἀμφίλογα, ὡσ μὴ ἀποκωλύεσθαι ἀποπλεῖν τὸν βουλόμενον, πολὺ ἂν καὶ διὰ ταῦτα πλείουσ τε καὶ ἥδιον ἐμπορεύοιντο.

ἀγαθὸν δὲ καὶ καλὸν καὶ προεδρίαισ τιμᾶσθαι ἐμπόρουσ καὶ ναυκλήρουσ, καὶ ἐπὶ ξένιά γ’ ἔστιν ὅτε καλεῖσθαι, οἳ ἂν δοκῶσιν ἀξιολόγοισ καὶ πλοίοισ καὶ ἐμπορεύμασιν ὠφελεῖν τὴν πόλιν.

ταῦτα γὰρ τιμώμενοι οὐ μόνον τοῦ κέρδουσ ἀλλὰ καὶ τῆσ τιμῆσ ἕνεκεν ὡσ πρὸσ φίλουσ ἐπισπεύδοιεν ἄν. ὅσῳ γε μὴν πλείουσ εἰσοικίζοιντό τε καὶ ἀφικνοῖντο, δῆλον ὅτι τοσούτῳ ἂν πλέον καὶ εἰσάγοιτο καὶ ἐξάγοιτο καὶ ἐκπέμποιτο καὶ πωλοῖτο καὶ μισθοφοροῖτο καὶ τελεσφοροίη.

εἰσ μὲν οὖν τὰσ τοιαύτασ αὐξήσεισ τῶν προσόδων οὐδὲ προδαπανῆσαι δεῖ οὐδὲν ἀλλ’ ἢ ψηφίσματά τε φιλάνθρωπα καὶ ἐπιμελείασ.

ὅσαι δ’ ἂν ἄλλαι δοκοῦσί μοι πρόσοδοι γίγνεσθαι, γιγνώσκω ὅτι ἀφορμῆσ δεήσει εἰσ αὐτάσ. οὐ μέντοι δύσελπίσ εἰμι τὸ μὴ οὐχὶ προθύμωσ ἂν τοὺσ πολίτασ εἰσ τὰ τοιαῦτα εἰσφέρειν, ἐνθυμούμενοσ ὡσ πολλὰ μὲν εἰσήνεγκεν ἡ πόλισ, ὅτε Ἀρκάσιν ἐβοήθει ἐπὶ Λυσιστράτου ἡγουμένου, πολλὰ δὲ ἐπὶ Ἡγησίλεω.

ἐπίσταμαι δὲ καὶ τριήρεισ πολλάκισ ἐκπεμπομένασ σὺν πολλῇ δαπάνῃ, καὶ ταύτασ γενομένασ, τούτου μὲν ἀδήλου ὄντοσ εἴτε βέλτιον εἴτε κάκιον ἔσται, ἐκείνου δὲ δήλου ὅτι οὐδέποτε ἀπολήψονται ἃ ἂν εἰσενέγκωσιν οὐδὲ μεθέξουσιν ὧν ἂν εἰσενέγκωσι.

κτῆσιν δὲ ἀπ’ οὐδενὸσ ἂν οὕτω καλὴν κτήσαιντο ὥσπερ ἀφ’ οὗ ἂν προτελέσωσιν εἰσ τὴν ἀφορμήν·

ᾧ μὲν γὰρ ἂν δέκα μναῖ εἰσφορὰ γένηται, ὥσπερ ναυτικόν, σχεδὸν ἐπίπεμπτον αὐτῷ γίγνεται, τριώβολον τῆσ ἡμέρασ λαμβάνοντι· ᾧ δέ γ’ ἂν πέντε μναῖ, πλέον ἢ ἐπίτριτον. οἱ δέ γε πλεῖστοι Ἀθηναίων πλείονα λήψονται κατ’ ἐνιαυτὸν ἢ ὅσα ἂν εἰσενέγκωσιν.

οἱ γὰρ μνᾶν προτελέσαντεσ ἐγγὺσ δυοῖν μναῖν πρόσοδον ἕξουσι, καὶ ταῦτα ἐν πόλει, ὃ δοκεῖ τῶν ἀνθρωπίνων ἀσφαλέστατόν τε καὶ πολυχρονιώτατον εἶναι. οἶμαι δὲ ἔγωγε, εἰ μέλλοιεν ἀναγραφήσεσθαι εὐεργέται εἰσ τὸν ἅπαντα χρόνον, καὶ ξένουσ ἂν πολλοὺσ εἰσενεγκεῖν, ἔστι δ’ ἃσ ἂν καὶ πόλεισ τῆσ ἀναγραφῆσ ὀρεγομένασ.

ἐλπίζω δὲ καὶ βασιλέασ ἄν τινασ καὶ τυράννουσ καὶ σατράπασ ἐπιθυμῆσαι μετασχεῖν ταύτησ τῆσ χάριτοσ. ὁπότε γε μὴν ἀφορμὴ ὑπάρχοι, καλὸν μὲν καὶ ἀγαθὸν ναυκλήροισ οἰκοδομεῖν καταγώγια περὶ λιμένασ πρὸσ τοῖσ ὑπάρχουσι, καλὸν δὲ καὶ ἐμπόροισ ἐπὶ προσήκοντασ τόπουσ <ἐπ’> ὠνῇ τε καὶ πράσει, καὶ τοῖσ εἰσαφικνουμένοισ δὲ δημόσια καταγώγια.

εἰ δὲ καὶ τοῖσ ἀγοραίοισ οἰκήσεισ τε καὶ πωλητήρια κατασκευασθείη καὶ ἐν Πειραιεῖ καὶ ἐν τῷ ἄστει, ἅμα τ’ ἂν κόσμοσ εἰή τῇ πόλει καὶ πολλαὶ ἂν ἀπὸ τούτων πρόσοδοι γίγνοιντο.

ἀγαθὸν δέ μοι δοκεῖ εἶναι πειραθῆναι, εἰ καὶ ὥσπερ τριήρεισ δημοσίασ ἡ πόλισ κέκτηται, οὕτω καὶ ὁλκάδασ δημοσίασ δυνατὸν ἂν γένοιτο κτήσασθαι καὶ ταύτασ ἐκμισθοῦν ἐπ’ ἐγγυητῶν ὥσπερ καὶ τἆλλα δημόσια.

εἰ γὰρ καὶ τοῦτο οἱο͂́ν τε ὂν φανείη, πολλὴ ἂν καὶ ἀπὸ τούτων πρόσοδοσ γίγνοιτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Πόροι ἢ περὶ Προσόδων, chapter 3

(크세노폰, Minor Works, Πόροι ἢ περὶ Προσόδων, chapter 3)

상위

목록

SEARCH

MENU NAVIGATION