헬라어 문장 검색 - ΧενοπήΜινορΩό7́01́

(크세노폰, Minor Works, Πόροι ἢ περὶ Προσόδων, chapter 1)

ἐγὼ μὲν τοῦτο ἀεί ποτε νομίζω, ὁποῖοί τινεσ ἂν οἱ προστάται ὦσι, τοιαύτασ καὶ τὰσ πολιτείασ γίγνεσθαι. ἐπεὶ δὲ τῶν Ἀθήνησι προεστηκότων ἔλεγόν τινεσ ὡσ γιγνώσκουσι μὲν τὸ δίκαιον οὐδενὸσ ἧττον τῶν ἄλλων ἀνθρώπων, διὰ δὲ τὴν τοῦ πλήθουσ πενίαν ἀναγκάζεσθαι ἔφασαν ἀδικώτεροι εἶναι περὶ τὰσ πόλεισ, ἐκ τούτου ἐπεχείρησα σκοπεῖν εἴ πῃ δύναιντ’ ἂν οἱ πολῖται διατρέφεσθαι ἐκ τῆσ ἑαυτῶν, ὅθενπερ καὶ δικαιότατον, νομίζων, εἰ τοῦτο γένοιτο, ἅμα τῇ τε πενίᾳ αὐτῶν ἐπικεκουρῆσθαι ἂν καὶ τῷ ὑπόπτουσ τοῖσ Ἕλλησιν εἶναι. σκοποῦντι δή μοι ἃ ἐπενόησα τοῦτο μὲν εὐθὺσ ἀνεφαίνετο, ὅτι ἡ χώρα πέφυκεν οἱά πλείστασ προσόδουσ παρέχεσθαι.

ὅπωσ δὲ γνωσθῇ ὅτι ἀληθὲσ τοῦτο λέγω, πρῶτον διηγήσομαι τὴν φύσιν τῆσ Ἀττικῆσ. οὐκοῦν τὸ μὲν τὰσ ὡρ́ασ ἐνθάδε πρᾳοτάτασ εἶναι καὶ αὐτὰ τὰ γιγνόμενα μαρτυρεῖ·

ἃ γοῦν πολλαχοῦ οὐδὲ βλαστάνειν δύναιτ’ ἂν ἐνθάδε καρποφορεῖ. ὥσπερ δὲ ἡ γῆ, οὕτω καὶ ἡ περὶ τὴν χώραν θάλαττα παμφορωτάτη ἐστίν. καὶ μὴν ὅσαπερ οἱ θεοὶ ἐν ταῖσ ὡρ́αισ ἀγαθὰ παρέχουσι, καὶ ταῦτα πάντα ἐνταῦθα πρῳαίτατα μὲν ἄρχεται, ὀψιαίτατα δὲ λήγει. οὐ μόνον δὲ κρατεῖ τοῖσ ἐπ’ ἐνιαυτὸν θάλλουσί τε καὶ γηράσκουσιν, ἀλλὰ καὶ ἀίδια ἀγαθὰ ἔχει ἡ χώρα.

πέφυκε μὲν γὰρ λίθοσ ἐν αὐτῇ ἄφθονοσ, ἐξ οὗ κάλλιστοι μὲν ναοί, κάλλιστοι δὲ βωμοὶ γίγνονται, εὐπρεπέστατα δὲ θεοῖσ ἀγάλματα· πολλοὶ δ’ αὐτοῦ καὶ Ἕλληνεσ καὶ βάρβαροι προσδέονται. ἔστι δὲ καὶ γῆ ἣ σπειρομένη μὲν οὐ φέρει καρπόν, ὀρυττομένη δὲ πολλαπλασίουσ τρέφει ἢ εἰ σῖτον ἔφερε.

καὶ μὴν ὑπάργυρόσ ἐστι σαφῶσ θείᾳ μοίρᾳ· πολλῶν γοῦν πόλεων παροικουσῶν καὶ κατὰ γῆν καὶ κατὰ θάλατταν εἰσ οὐδεμίαν τούτων οὐδὲ μικρὰ φλὲψ ἀργυρίτιδοσ διήκει. οὐκ ἂν ἀλόγωσ δέ τισ οἰηθείη τῆσ Ἑλλάδοσ καὶ πάσησ δὲ τῆσ οἰκουμένησ ἀμφὶ τὰ μέσα οἰκεῖσθαι τὴν πόλιν.

ὅσῳ γὰρ ἄν τινεσ πλέον ἀπέχωσιν αὐτῆσ, τοσούτῳ χαλεπωτέροισ ἢ ψύχεσιν ἢ θάλπεσιν ἐντυγχάνουσιν· ὁπόσοι τ’ ἂν αὖ βουληθῶσιν ἀπ’ ἐσχάτων τῆσ Ἑλλάδοσ ἐπ’ ἔσχατα ἀφικέσθαι, πάντεσ οὗτοι ὥσπερ κύκλου τόρνον τὰσ Ἀθήνασ ἢ παραπλέουσιν ἢ παρέρχονται. καὶ μὴν οὐ περίρρυτόσ γε οὖσα ὅμωσ ὥσπερ νῆσοσ πᾶσιν ἀνέμοισ προσάγεταί τε ὧν δεῖται καὶ ἀποπέμπεται ἃ βούλεται·

ἀμφιθάλαττοσ γάρ ἐστι. καὶ κατὰ γῆν δὲ πολλὰ δέχεται ἐμπορίᾳ· ἤπειροσ γάρ ἐστιν. ἔτι δὲ ταῖσ μὲν πλείσταισ πόλεσι βάρβαροι προσοικοῦντεσ πράγματα παρέχουσιν·

Ἀθήναισ δὲ γειτονεύουσιν αἳ καὶ αὐταὶ πλεῖστον ἀπέχουσι τῶν βαρβάρων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Πόροι ἢ περὶ Προσόδων, chapter 1

(크세노폰, Minor Works, Πόροι ἢ περὶ Προσόδων, chapter 1)

상위

목록

SEARCH

MENU NAVIGATION