헬라어 문장 검색 - ΧενοπήΜεμοραβ́4́08́

(크세노폰, Memorabilia, Ἀπομνημονευμάτων Δ, chapter 8)

εἰ δέ τισ, ὅτι φάσκοντοσ αὐτοῦ τὸ δαιμόνιον ἑαυτῷ προσημαίνειν ἅ τε δέοι καὶ ἃ μὴ δέοι ποιεῖν ὑπὸ τῶν δικαστῶν κατεγνώσθη θάνατοσ, οἰέται αὐτὸν ἐλέγχεσθαι περὶ τοῦ δαιμονίου ψευδόμενον, ἐννοησάτω πρῶτον μὲν ὅτι οὕτωσ ἤδη τότε πόρρω τῆσ ἡλικίασ ἦν, ὥστ’, εἰ καὶ μὴ τότε, οὐκ ἂν πολλῷ ὕστερον τελευτῆσαι τὸν βίον· εἶτα ὅτι τὸ μὲν ἀχθεινότατόν τε τοῦ βίου καὶ ἐν ᾧ πάντεσ τὴν διάνοιαν μειοῦνται ἀπέλιπεν, ἀντὶ δὲ τούτου τῆσ ψυχῆσ τὴν ῥώμην ἐπιδειξάμενοσ εὔκλειαν προσεκτήσατο, τήν τε δίκην πάντων ἀνθρώπων ἀληθέστατα καὶ ἐλευθεριώτατα καὶ δικαιότατα εἰπὼν καὶ τὴν κατάγνωσιν τοῦ θανάτου πραότατα καὶ ἀνδρωδέστατα ἐνέγκασ. ὁμολογεῖται γὰρ οὐδένα πω τῶν μνημονευομένων ἀνθρώπων κάλλιον θάνατον ἐνεγκεῖν.

ἀνάγκη μὲν γὰρ ἐγένετο αὐτῷ μετὰ τὴν κρίσιν τριάκοντα ἡμέρασ βιῶναι διὰ τὸ Δήλια μὲν ἐκείνου τοῦ μηνὸσ εἶναι, τὸν δὲ νόμον μηδένα ἐᾶν δημοσίᾳ ἀποθνῄσκειν ἑώσ ἂν ἡ θεωρία ἐκ Δήλου ἐπανέλθῃ, καὶ τὸν χρόνον τοῦτον ἅπασι τοῖσ συνήθεσι φανερὸσ ἐγένετο οὐδὲν ἀλλοιότερον διαβιοὺσ ἢ τὸν ἔμπροσθεν χρόνον· καίτοι τὸν ἔμπροσθέν γε πάντων ἀνθρώπων μάλιστα ἐθαυμάζετο ἐπὶ τῷ εὐθύμωσ τε καὶ εὐκόλωσ ζῆν. καὶ πῶσ ἄν τισ κάλλιον ἢ οὕτωσ ἀποθάνοι;

ἢ ποῖοσ ἂν εἰή θάνατοσ καλλίων ἢ ὃν κάλλιστά τισ ἀποθάνοι; ποῖοσ δ’ ἂν γένοιτο θάνατοσ εὐδαιμονέστεροσ τοῦ καλλίστου; ἢ ποῖοσ θεοφιλέστεροσ τοῦ εὐδαιμονεστάτου; λέξω δὲ καὶ ἃ Ἑρμογένουσ τοῦ Ἱππονίκου ἤκουσα περὶ αὐτοῦ.

ἔφη γάρ, ἤδη Μελήτου γεγραμμένου αὐτὸν τὴν γραφήν, αὐτὸσ ἀκούων αὐτοῦ πάντα μᾶλλον ἢ περὶ τῆσ δίκησ διαλεγομένου λέγειν αὐτῷ ὡσ χρὴ σκοπεῖν ὅ τι ἀπολογήσεται. τὸν δὲ τὸ μὲν πρῶτον εἰπεῖν· οὐ γὰρ δοκῶ σοι τοῦτο μελετῶν διαβεβιωκέναι; ἐπεὶ δὲ αὐτὸν ἤρετο ὅπωσ, εἰπεῖν αὐτὸν ὅτι οὐδὲν ἄλλο ποιῶν διαγεγένηται ἢ διασκοπῶν μὲν τά τε δίκαια καὶ τὰ ἄδικα, πράττων δὲ τὰ δίκαια καὶ τῶν ἀδίκων ἀπεχόμενοσ, ἥνπερ νομίζοι καλλίστην μελέτην ἀπολογίασ εἶναι. αὐτὸσ δὲ πάλιν εἰπεῖν·

οὐχ ὁρᾷσ, ὦ Σώκρατεσ, ὅτι οἱ Ἀθήνησι δικασταὶ πολλοὺσ μὲν ἤδη μηδὲν ἀδικοῦντασ λόγῳ παραχθέντεσ ἀπέκτειναν, πολλοὺσ δὲ ἀδικοῦντασ ἀπέλυσαν; ἀλλὰ νὴ τὸν Δία, φάναι αὐτόν, ὦ Ἑρμόγενεσ, ἤδη μου ἐπιχειροῦντοσ φροντίσαι τῆσ πρὸσ τοὺσ δικαστὰσ ἀπολογίασ ἠναντιώθη τὸ δαιμόνιον. καὶ αὐτὸσ εἰπεῖν·

θαυμαστὰ λέγεισ. τὸν δέ, θαυμάζεισ, φάναι, εἰ τῷ θεῷ δοκεῖ βέλτιον εἶναι ἐμὲ τελευτᾶν τὸν βίον ἤδη; οὐκ οἶσθ’ ὅτι μέχρι μὲν τοῦδε τοῦ χρόνου ἐγὼ οὐδενὶ ἀνθρώπων ὑφείμην ἂν οὔτε βέλτιον οὔθ’ ἥδιον ἐμαυτοῦ βεβιωκέναι; ἄριστα μὲν γὰρ οἶμαι ζῆν τοὺσ ἄριστα ἐπιμελομένουσ τοῦ ὡσ βελτίστουσ γίγνεσθαι, ἥδιστα δὲ τοὺσ μάλιστα αἰσθανομένουσ ὅτι βελτίουσ γίγνονται. ἃ ἐγὼ μέχρι τοῦδε τοῦ χρόνου ᾐσθανόμην ἐμαυτῷ συμβαίνοντα, καὶ τοῖσ ἄλλοισ ἀνθρώποισ ἐντυγχάνων καὶ πρὸσ τοὺσ ἄλλουσ παραθεωρῶν ἐμαυτὸν οὕτω διατετέλεκα περὶ ἐμαυτοῦ γιγνώσκων·

καὶ οὐ μόνον ἐγώ, ἀλλὰ καὶ οἱ ἐμοὶ φίλοι οὕτωσ ἔχοντεσ περὶ ἐμοῦ διατελοῦσιν, οὐ διὰ τὸ φιλεῖν ἐμέ, καὶ γὰρ οἱ τοὺσ ἄλλουσ φιλοῦντεσ οὕτωσ ἂν εἶχον πρὸσ τοὺσ ἑαυτῶν φίλουσ, ἀλλὰ διόπερ καὶ αὐτοὶ ἂν οἰόνται ἐμοὶ συνόντεσ βέλτιστοι γίγνεσθαι. εἰ δὲ βιώσομαι πλείω χρόνον, ἴσωσ ἀναγκαῖον ἔσται τὰ τοῦ γήρωσ ἐπιτελεῖσθαι καὶ ὁρᾶν τε καὶ ἀκούειν ἧττον καὶ διανοεῖσθαι χεῖρον καὶ δυσμαθέστερον ἀποβαίνειν καὶ ἐπιλησμονέστερον, καὶ ὧν πρότερον βελτίων ἦν, τούτων χείρω γίγνεσθαι·

ἀλλὰ μὴν ταῦτά γε μὴ αἰσθανομένῳ μὲν ἀβίωτοσ ἂν εἰή ὁ βίοσ, αἰσθανόμενον δὲ πῶσ οὐκ ἀνάγκη χεῖρόν τε καὶ ἀηδέστερον ζῆν; ἀλλὰ μὴν εἴ γε ἀδίκωσ ἀποθανοῦμαι, τοῖσ μὲν ἀδίκωσ ἐμὲ ἀποκτείνασιν αἰσχρὸν ἂν εἰή τοῦτο·

εἰ γὰρ τὸ ἀδικεῖν αἰσχρόν ἐστι, πῶσ οὐκ αἰσχρὸν καὶ τὸ ἀδίκωσ ὁτιοῦν ποιεῖν; ἐμοὶ δὲ τί αἰσχρὸν τὸ ἑτέρουσ μὴ δύνασθαι περὶ ἐμοῦ τὰ δίκαια μήτε γνῶναι μήτε ποιῆσαι; ὁρῶ δ’ ἔγωγε καὶ τὴν δόξαν τῶν προγεγονότων ἀνθρώπων ἐν τοῖσ ἐπιγιγνομένοισ οὐχ ὁμοίαν καταλειπομένην τῶν τε ἀδικησάντων καὶ τῶν ἀδικηθέντων.

οἶδα δ’ ὅτι καὶ ἐγὼ ἐπιμελείασ τεύξομαι ὑπ’ ἀνθρώπων, καὶ ἐὰν νῦν ἀποθάνω, οὐχ ὁμοίωσ τοῖσ ἐμὲ ἀποκτείνασιν· οἶδα γὰρ ἀεὶ μαρτυρήσεσθαί μοι ὅτι ἐγὼ ἠδίκησα μὲν οὐδένα πώποτε ἀνθρώπων οὐδὲ χείρω ἐποίησα, βελτίουσ δὲ ποιεῖν ἐπειρώμην ἀεὶ τοὺσ ἐμοὶ συνόντασ. τοιαῦτα μὲν πρὸσ Ἑρμογένην τε διελέχθη καὶ πρὸσ τοὺσ ἄλλουσ. τῶν δὲ Σωκράτην γιγνωσκόντων, οἱο͂σ ἦν, οἱ ἀρετῆσ ἐφιέμενοι πάντεσ ἔτι καὶ νῦν διατελοῦσι πάντων μάλιστα ποθοῦντεσ ἐκεῖνον, ὡσ ὠφελιμώτατον ὄντα πρὸσ ἀρετῆσ ἐπιμέλειαν.

ἐμοὶ μὲν δή, τοιοῦτοσ ὢν οἱο͂ν ἐγὼ διήγημαι, εὐσεβὴσ μὲν οὕτωσ ὥστε μηδὲν ἄνευ τῆσ τῶν θεῶν γνώμησ ποιεῖν, δίκαιοσ δὲ ὥστε βλάπτειν μὲν μηδὲ μικρὸν μηδένα, ὠφελεῖν δὲ τὰ μέγιστα τοὺσ χρωμένουσ αὐτῷ, ἐγκρατὴσ δὲ ὥστε μηδέποτε προαιρεῖσθαι τὸ ἥδιον ἀντὶ τοῦ βελτίονοσ, φρόνιμοσ δὲ ὥστε μὴ διαμαρτάνειν κρίνων τὰ βελτίω καὶ τὰ χείρω μηδὲ ἄλλου προσδεῖσθαι, ἀλλ’ αὐτάρκησ εἶναι πρὸσ τὴν τούτων γνῶσιν, ἱκανὸσ δὲ καὶ λόγῳ εἰπεῖν τε καὶ διορίσασθαι τὰ τοιαῦτα, ἱκανὸσ δὲ καὶ ἄλλωσ δοκιμάσαι τε καὶ ἁμαρτάνοντα ἐλέγξαι καὶ προτρέψασθαι ἐπ’ ἀρετὴν καὶ καλοκαγαθίαν, ἐδόκει τοιοῦτοσ εἶναι οἱο͂σ ἂν εἰή ἄριστόσ τε ἀνὴρ καὶ εὐδαιμονέστατοσ. εἰ δέ τῳ μὴ ἀρέσκει ταῦτα, παραβάλλων τὸ ἄλλων ἦθοσ πρὸσ ταῦτα οὕτω κρινέτω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Memorabilia, Ἀπομνημονευμάτων Δ, chapter 8

(크세노폰, Memorabilia, Ἀπομνημονευμάτων Δ, chapter 8)

상위

목록

SEARCH

MENU NAVIGATION