Xenophon, Memorabilia, Ἀπομνημονευμάτων Δ, chapter 4 18:

(크세노폰, Memorabilia, Ἀπομνημονευμάτων Δ, chapter 4 18:)

ἰδίᾳ δὲ πῶσ μὲν ἄν τισ ἧττον ὑπὸ πόλεωσ ζημιοῖτο, πῶσ δ’ ἂν μᾶλλον τιμῷτο, ἢ εἰ τοῖσ νόμοισ πείθοιτο; πῶσ δ’ ἂν ἧττον ἐν τοῖσ δικαστηρίοισ ἡττῷτο ἢ πῶσ ἂν μᾶλλον νικῴη; τίνι δ’ ἄν τισ μᾶλλον πιστεύσειε παρακαταθέσθαι ἢ χρήματα ἢ υἱοὺσ ἢ θυγατέρασ; τίνα δ’ ἂν ἡ πόλισ ὅλη ἀξιοπιστότερον ἡγήσαιτο τοῦ νομίμου; παρὰ τίνοσ δ’ ἂν μᾶλλον τῶν δικαίων τύχοιεν ἢ γονεῖσ ἢ οἰκεῖοι ἢ οἰκέται ἢ φίλοι ἢ πολῖται ἢ ξένοι; τίνι δ’ ἂν μᾶλλον πολέμιοι πιστεύσειαν ἢ ἀνοχὰσ ἢ σπονδὰσ ἢ συνθήκασ περὶ εἰρήνησ; τίνι δ’ ἂν μᾶλλον ἢ τῷ νομίμῳ σύμμαχοι ἐθέλοιεν γίγνεσθαι; τῷ δ’ ἂν μᾶλλον οἱ σύμμαχοι πιστεύσειαν ἢ ἡγεμονίαν ἢ φρουραρχίαν ἢ πόλεισ; τίνα δ’ ἄν τισ εὐεργετήσασ ὑπολάβοι χάριν κομιεῖσθαι μᾶλλον ἢ τὸν νόμιμον; ἢ τίνα μᾶλλον ἄν τισ εὐεργετήσειεν ἢ παρ’ οὗ χάριν ἀπολήψεσθαι νομίζει; τῷ δ’ ἄν τισ βούλοιτο μᾶλλον φίλοσ εἶναι ἢ τῷ τοιούτῳ, ἢ τῷ ἧττον ἐχθρόσ; τῷ δ’ ἄν τισ ἧττον πολεμήσειεν ἢ ᾧ μάλιστα μὲν φίλοσ εἶναι βούλοιτο, ἥκιστα δ’ ἐχθρόσ, καὶ ᾧ πλεῖστοι μὲν φίλοι καὶ σύμμαχοι βούλοιντο εἶναι, ἐλάχιστοι δ’ ἐχθροὶ καὶ πολέμιοι;

일치하는 문장이 없습니다.

SEARCH

MENU NAVIGATION