Xenophon, Memorabilia, Ἀπομνημονευμάτων Δ, chapter 4 16:

Λυκοῦργον δὲ τὸν Λακεδαιμόνιον, ἔφη ὁ Σωκράτησ, καταμεμάθηκασ, ὅτι οὐδὲν ἂν διάφορον τῶν ἄλλων πόλεων τὴν Σπάρτην ἐποίησεν, εἰ μὴ τὸ πείθεσθαι τοῖσ νόμοισ μάλιστα ἐνειργάσατο αὐτῇ; τῶν δὲ ἀρχόντων ἐν ταῖσ πόλεσιν οὐκ οἶσθα ὅτι, οἵτινεσ ἂν τοῖσ πολίταισ αἰτιώτατοι ὦσι τοῦ τοῖσ νόμοισ πείθεσθαι, οὗτοι ἄριστοί εἰσι, καὶ πόλισ, ἐν ᾗ μάλιστα οἱ πολῖται τοῖσ νόμοισ πείθονται, ἐν εἰρήνῃ τε ἄριστα διάγει καὶ ἐν πολέμῳ ἀνυπόστατόσ ἐστιν;