Xenophon, Memorabilia, Ἀπομνημονευμάτων Δ, chapter 2 35:

κινδυνεύει, ἔφη, ὦ Σώκρατεσ, ἀναμφιλογώτατον ἀγαθὸν εἶναι τὸ εὐδαιμονεῖν. εἴ γε μή τισ αὐτό, ἔφη, ὦ Εὐθύδημε, ἐξ ἀμφιλόγων ἀγαθῶν συντιθείη. τί δ’ ἄν, ἔφη, τῶν εὐδαιμονικῶν ἀμφίλογον εἰή; οὐδέν, ἔφη, εἴ γε μὴ προσθήσομεν αὐτῷ κάλλοσ ἢ ἰσχὺν ἢ πλοῦτον ἢ δόξαν ἢ καί τι ἄλλο τῶν τοιούτων. ἀλλὰ νὴ Δία προσθήσομεν, ἔφη· πῶσ γὰρ ἄν τισ ἄνευ τούτων εὐδαιμονοίη;