Xenophon, Memorabilia, Ἀπομνημονευμάτων Δ, chapter 2 30:

οἱ δὲ μὴ εἰδότεσ ὅ τι ποιοῦσι, κακῶσ τε αἱρούμενοι καὶ οἷσ ἂν ἐπιχειρήσωσιν ἀποτυγχάνοντεσ, οὐ μόνον ἐν αὐτοῖσ τούτοισ ζημιοῦνταί τε καὶ κολάζονται, ἀλλὰ καὶ ἀδοξοῦσι διὰ ταῦτα καὶ καταγέλαστοι γίγνονται καὶ καταφρονούμενοι καὶ ἀτιμαζόμενοι ζῶσιν. ὁρᾷσ δὲ καὶ τῶν πόλεων ὅτι ὅσαι ἂν ἀγνοήσασαι τὴν ἑαυτῶν δύναμιν κρείττοσι πολεμήσωσιν, αἱ μὲν ἀνάστατοι γίγνονται, αἱ δ’ ἐξ ἐλευθέρων δοῦλαι.