Xenophon, Memorabilia, Ἀπομνημονευμάτων Δ, chapter 1 5:

ὁμοίωσ δὲ καὶ τῶν ἀνθρώπων τοὺσ εὐφυεστάτουσ, ἐρρωμενεστάτουσ τε ταῖσ ψυχαῖσ ὄντασ καὶ ἐξεργαστικωτάτουσ ὧν ἂν ἐγχειρῶσι, παιδευθέντασ μὲν καὶ μαθόντασ ἃ δεῖ πράττειν, ἀρίστουσ τε καὶ ὠφελιμωτάτουσ γίγνεσθαι· πλεῖστα γὰρ καὶ μέγιστα ἀγαθὰ ἐργάζεσθαι· ἀπαιδεύτουσ δὲ καὶ ἀμαθεῖσ γενομένουσ κακίστουσ τε καὶ βλαβερωτάτουσ γίγνεσθαι· κρίνειν γὰρ οὐκ ἐπισταμένουσ ἃ δεῖ πράττειν, πολλάκισ πονηροῖσ ἐπιχειρεῖν πράγμασι, μεγαλείουσ δὲ καὶ σφοδροὺσ ὄντασ δυσκαθέκτουσ τε καὶ δυσαποτρέπτουσ εἶναι, δι’ ὃ πλεῖστα καὶ μέγιστα κακὰ ἐργάζεσθαι.