헬라어 문장 검색 - ΧενοπήΜεμοραβ́4́01́

(크세노폰, Memorabilia, Ἀπομνημονευμάτων Δ, chapter 1)

οὕτω δὲ Σωκράτησ ἦν ἐν παντὶ πράγματι καὶ πάντα τρόπον ὠφέλιμοσ, ὥστε τῷ σκοπουμένῳ τοῦτο καὶ εἰ μετρίωσ αἰσθανομένῳ φανερὸν εἶναι ὅτι οὐδὲν ὠφελιμώτερον ἦν τοῦ Σωκράτει συνεῖναι καὶ μετ’ ἐκείνου διατρίβειν ὁπουοῦν καὶ ἐν ὁτῳοῦν πράγματι· ἐπεὶ καὶ τὸ ἐκείνου μεμνῆσθαι μὴ παρόντοσ οὐ μικρὰ ὠφέλει τοὺσ εἰωθότασ τε αὐτῷ συνεῖναι καὶ ἀποδεχομένουσ ἐκεῖνον. καὶ γὰρ παίζων οὐδὲν ἧττον ἢ σπουδάζων ἐλυσιτέλει τοῖσ συνδιατρίβουσι. πολλάκισ γὰρ ἔφη μὲν ἄν τινοσ ἐρᾶν, φανερὸσ δ’ ἦν οὐ τῶν τὰ σώματα πρὸσ ὡρ́αν, ἀλλὰ τῶν τὰσ ψυχὰσ πρὸσ ἀρετὴν εὖ πεφυκότων ἐφιέμενοσ.

ἐτεκμαίρετο δὲ τὰσ ἀγαθὰσ φύσεισ ἐκ τοῦ ταχύ τε μανθάνειν οἷσ προσέχοιεν καὶ μνημονεύειν ἃ ἂν μάθοιεν καὶ ἐπιθυμεῖν τῶν μαθημάτων πάντων δι’ ὧν ἔστιν οἶκόν τε καλῶσ οἰκεῖν καὶ πόλιν καὶ τὸ ὅλον ἀνθρώποισ τε καὶ τοῖσ ἀνθρωπίνοισ πράγμασιν εὖ χρῆσθαι· τοὺσ γὰρ τοιούτουσ ἡγεῖτο παιδευθέντασ οὐκ ἂν μόνον αὐτούσ τε εὐδαίμονασ εἶναι καὶ τοὺσ ἑαυτῶν οἴκουσ καλῶσ οἰκεῖν, ἀλλὰ καὶ ἄλλουσ ἀνθρώπουσ καὶ πόλεισ δύνασθαι εὐδαίμονασ ποιεῖν. οὐ τὸν αὐτὸν δὲ τρόπον ἐπὶ πάντασ ᾔει, ἀλλὰ τοὺσ μὲν οἰομένουσ φύσει ἀγαθοὺσ εἶναι, μαθήσεωσ δὲ καταφρονοῦντασ ἐδίδασκεν ὅτι αἱ ἄρισται δοκοῦσαι εἶναι φύσεισ μάλιστα παιδείασ δέονται, ἐπιδεικνύων τῶν τε ἵππων τοὺσ εὐφυεστάτουσ, θυμοειδεῖσ τε καὶ σφοδροὺσ ὄντασ, εἰ μὲν ἐκ νέων δαμασθεῖεν, εὐχρηστοτάτουσ καὶ ἀρίστουσ γιγνομένουσ, εἰ δὲ ἀδάμαστοι γένοιντο, δυσκαθεκτοτάτουσ καὶ φαυλοτάτουσ·

καὶ τῶν κυνῶν τῶν εὐφυεστάτων, φιλοπόνων τε οὐσῶν καὶ ἐπιθετικῶν τοῖσ θηρίοισ, τὰσ μὲν καλῶσ ἀχθείσασ ἀρίστασ γίγνεσθαι πρὸσ τὰσ θήρασ καὶ χρησιμωτάτασ, ἀναγώγουσ δὲ γιγνομένασ ματαίουσ τε καὶ μανιώδεισ καὶ δυσπειθεστάτασ. ὁμοίωσ δὲ καὶ τῶν ἀνθρώπων τοὺσ εὐφυεστάτουσ, ἐρρωμενεστάτουσ τε ταῖσ ψυχαῖσ ὄντασ καὶ ἐξεργαστικωτάτουσ ὧν ἂν ἐγχειρῶσι, παιδευθέντασ μὲν καὶ μαθόντασ ἃ δεῖ πράττειν, ἀρίστουσ τε καὶ ὠφελιμωτάτουσ γίγνεσθαι·

πλεῖστα γὰρ καὶ μέγιστα ἀγαθὰ ἐργάζεσθαι· ἀπαιδεύτουσ δὲ καὶ ἀμαθεῖσ γενομένουσ κακίστουσ τε καὶ βλαβερωτάτουσ γίγνεσθαι· κρίνειν γὰρ οὐκ ἐπισταμένουσ ἃ δεῖ πράττειν, πολλάκισ πονηροῖσ ἐπιχειρεῖν πράγμασι, μεγαλείουσ δὲ καὶ σφοδροὺσ ὄντασ δυσκαθέκτουσ τε καὶ δυσαποτρέπτουσ εἶναι, δι’ ὃ πλεῖστα καὶ μέγιστα κακὰ ἐργάζεσθαι. τοὺσ δ’ ἐπὶ πλούτῳ μέγα φρονοῦντασ καὶ νομίζοντασ οὐδὲν προσδεῖσθαι παιδείασ, ἐξαρκέσειν δὲ σφίσι τὸν πλοῦτον οἰομένουσ πρὸσ τὸ διαπράττεσθαί τε ὅ τι ἂν βούλωνται καὶ τιμᾶσθαι ὑπὸ τῶν ἀνθρώπων ἐφρένου λέγων ὅτι μῶροσ μὲν εἰή, εἴ τισ οἰέται μὴ μαθὼν τά τε ὠφέλιμα καὶ τὰ βλαβερὰ τῶν πραγμάτων διαγνώσεσθαι, μῶροσ δ’, εἴ τισ μὴ διαγιγνώσκων μὲν ταῦτα, διὰ δὲ τὸν πλοῦτον ὅ τι ἂν βούληται ποριζόμενοσ οἰέται δυνήσεσθαι τὰ συμφέροντα πράττειν, ἠλίθιοσ δ’, εἴ τισ μὴ δυνάμενοσ τὰ συμφέροντα πράττειν εὖ τε πράττειν οἰέται καὶ τὰ πρὸσ τὸν βίον αὐτῷ ἢ καλῶσ ἢ ἱκανῶσ παρεσκευάσθαι, ἠλίθιοσ δὲ καὶ εἴ τισ οἰέται διὰ τὸν πλοῦτον, μηδὲν ἐπιστάμενοσ, δόξειν τι ἀγαθὸσ εἶναι ἤ, μηδὲν ἀγαθὸσ εἶναι δοκῶν, εὐδοκιμήσειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Memorabilia, Ἀπομνημονευμάτων Δ, chapter 1

(크세노폰, Memorabilia, Ἀπομνημονευμάτων Δ, chapter 1)

상위

목록

SEARCH

MENU NAVIGATION