καὶ τοῦτο μέντοι χρὴ εὖ εἰδέναι, ὅτι ἡ Λακεδαιμονίων πλεονεξία πολὺ εὐκαταλυτωτέρα ἐστὶ τῆσ ὑμετέρασ γενομένησ ἀρχῆσ. ὑμεῖσ μὲν γὰρ ἔχοντεσ ναυτικὸν οὐκ ἐχόντων ἤρχετε, οὗτοι δὲ ὀλίγοι ὄντεσ πολλαπλασίων ὄντων καὶ οὐδὲν χεῖρον ὡπλισμένων πλεονεκτοῦσι. ταῦτ’ οὖν λέγομεν ἡμεῖσ· εὖ γε μέντοι ἐπίστασθε, ὦ ἄνδρεσ Ἀθηναῖοι, ὅτι νομίζομεν ἐπὶ πολὺ μείζω ἀγαθὰ παρακαλεῖν ὑμᾶσ τῇ ὑμετέρᾳ πόλει ἢ τῇ ἡμετέρᾳ.
