Xenophon, Hellenica, Ἑλληνικῶν Γ, chapter 5 8:

οὕτω δὲ γιγνωσκούσησ τῆσ πόλεωσ τῶν Λακεδαιμονίων φρουρὰν μὲν οἱ ἔφοροι ἔφαινον, Λύσανδρον δ’ ἐξέπεμψαν εἰσ Φωκέασ καὶ ἐκέλευσαν αὐτούσ τε τοὺσ Φωκέασ ἄγοντα παρεῖναι καὶ Οἰταίουσ καὶ Ἡρακλεώτασ καὶ Μηλιέασ καὶ Αἰνιᾶνασ εἰσ Ἁλίαρτον. ἐκεῖσε δὲ καὶ Παυσανίασ, ὅσπερ ἔμελλεν ἡγεῖσθαι, συνετίθετο παρέσεσθαι εἰσ ῥητὴν ἡμέραν, ἔχων Λακεδαιμονίουσ τε καὶ τοὺσ ἄλλουσ Πελοποννησίουσ. καὶ ὁ μὲν Λύσανδροσ τά τε ἄλλα τὰ κελευόμενα ἔπραττε καὶ προσέτι Ὀρχομενίουσ ἀπέστησε Θηβαίων.