호흡부호 보기
강세부호 보기
장단부호 보기
작은 Iota 보기
모든 부호 보기
ἐπεὶ δὲ ἀφίκετο πρὸσ τὴν πόλιν, τὰ μὲν προάστια καὶ τὰ γυμνάσια καλὰ ὄντα ἐλυμαίνετο, τὴν δὲ πόλιν ἀτείχιστοσ γὰρ ἦν ἐνόμισαν αὐτὸν μὴ βούλεσθαι μᾶλλον ἢ μὴ δύνασθαι ἑλεῖν. δῃουμένησ δὲ τῆσ χώρασ, καὶ οὔσησ τῆσ στρατιᾶσ περὶ Κυλλήνην, βουλόμενοι οἱ περὶ Ξενίαν τὸν λεγόμενον μεδίμνῳ ἀπομετρήσασθαι <τὸ> παρὰ τοῦ πατρὸσ ἀργύριον δι’ αὐτῶν προσχωρῆσαι τοῖσ Λακεδαιμονίοισ, ἐκπεσόντεσ ἐξ οἰκίασ ξίφη ἔχοντεσ σφαγὰσ ποιοῦσι, καὶ ἄλλουσ τέ τινασ ἀποκτείνουσι καὶ ὅμοιόν τινα Θρασυδαίῳ ἀποκτείναντεσ τῷ τοῦ δήμου προστάτῃ ᾤοντο Θρασυδαῖον ἀπεκτονέναι, ὥστε ὁ μὲν δῆμοσ παντελῶσ κατηθύμησε καὶ ἡσυχίαν εἶχεν, οἱ δὲ σφαγεῖσ πάντ’ ᾤοντο πεπραγμένα εἶναι, καὶ οἱ ὁμογνώμονεσ αὐτοῖσ ἐξεφέροντο τὰ ὅπλα εἰσ τὴν ἀγοράν. ὁ δὲ Θρασυδαῖοσ ἔτι καθεύδων ἐτύγχανεν οὗπερ ἐμεθύσθη.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기