Xenophon, Hellenica, Ἑλληνικῶν Γ, chapter 1 8:

ἐπεὶ δὲ σωθέντεσ οἱ ἀναβάντεσ μετὰ Κύρου συνέμειξαν αὐτῷ, ἐκ τούτου ἤδη καὶ ἐν τοῖσ πεδίοισ ἀντετάττετο τῷ Τισσαφέρνει, καὶ πόλεισ Πέργαμον μὲν ἑκοῦσαν προσέλαβε καὶ Τευθρανίαν καὶ Ἁλίσαρναν, ὧν Εὐρυσθένησ τε καὶ Προκλῆσ ἦρχον οἱ ἀπὸ Δαμαράτου τοῦ Λακεδαιμονίου· ἐκείνῳ δ’ αὕτη ἡ χώρα δῶρον ἐκ βασιλέωσ ἐδόθη ἀντὶ τῆσ ἐπὶ τὴν Ἑλλάδα συστρατείασ· προσεχώρησαν δὲ αὐτῷ καὶ Γοργίων καὶ Γογγύλοσ, ἀδελφοὶ ὄντεσ, ἔχοντεσ ὁ μὲν Γάμβριον καὶ Παλαιγάμβριον, ὁ δὲ Μύριναν καὶ Γρύνειον· δῶρον δὲ καὶ αὗται αἱ πόλεισ ἦσαν παρὰ βασιλέωσ Γογγύλῳ, ὅτι μόνοσ Ἐρετριέων μηδίσασ ἔφυγεν.