호흡부호 보기
강세부호 보기
장단부호 보기
작은 Iota 보기
모든 부호 보기
ποίην τισ πρὸσ Ἔρωτοσ ἰοί τρίβον; ἐν μὲν ἀγυιαῖσ μαχλάδοσ οἰμώξεισ χρυσομανεῖ σπατάλῃ· εἰ δ’ ἐπὶ παρθενικῆσ πελάσεισ λέχοσ, ἐσ γάμον ἥξεισ ἔννομον, ἢ ποινὰσ τὰσ περὶ τῶν φθορέων. κουριδίαισ δὲ γυναιξὶν ἀτερπέα κύπριν ἐγείρειν τίσ κεν ὑποτλαίη, πρὸσ χρέοσ ἑλκόμενοσ;
μοίχια λέκτρα κάκιστα, καὶ ἔκτοθέν εἰσιν ἐρώτων, ὧν μέτα παιδομανὴσ κείσθω ἀλιτροσύνη. χήρη δ’, ἡ μὲν ἄκοσμοσ ἔχει πάνδημον ἐραστήν, καὶ πάντα φρονέει δήνεα μαχλοσύνησ· ἡ δὲ σαοφρονέουσα μόλισ φιλότητι μιγεῖσα δέχνυται ἀστόργου κέντρα παλιμβολίησ, καὶ στυγέει τὸ τελεσθὲν ἔχουσα δὲ λείψανον αἰδοῦσ, ἂψ ἐπὶ λυσιγάμουσ χάζεται ἀγγελίασ.
ἢν δὲ μιγῇσ ἰδίῃ θεραπαινίδι, τλῆθι καὶ αὐτὸσ δοῦλοσ ἐναλλάγδην δμωίδι γινόμενοσ·
εἰ δὲ καὶ ὀθνείῃ, τότε σοι νόμοσ αἶσχοσ ἀνάψει, ὕβριν ἀνιχνεύων σώματοσ ἀλλοτρίου. ἠείδεν παλάμῃ, Λαΐδοσ οὐ χατέων.
호흡부호 보기
강세부호 보기
장단부호 보기
작은 Iota 보기
모든 부호 보기