호흡부호 보기
강세부호 보기
장단부호 보기
작은 Iota 보기
모든 부호 보기
Πωλείσθω, καὶ ματρὸσ ἔτ’ ἐν κόλποισι καθεύδων, πωλείσθω. τί δέ μοι τὸ θρασὺ τοῦτο τρέφειν; καὶ γὰρ σιμὸν ἔφυ καὶ ὑπόπτερον, ἄκρα δ’ ὄνυξιν κνίζει, καὶ κλαῖον πολλὰ μεταξὺ γελᾷ· πρὸσ δ’ ἔτι λοιπὸν ἄθρεπτον, ἀείλαλον, ὀξὺ δεδορκόσ, ἄγριον, οὐδ’ αὐτῇ μητρὶ φίλῃ τιθασὸν πάντα τέρασ, τοιγὰρ πεπράσεται.
εἴ τισ ἀπόπλουσ ἔμποροσ ὠνεῖσθαι παῖδα θέλει, προσίτω. καίτοι λίσσετ’, ἰδού, δεδακρυμένοσ. οὒ σ1’ ἔτι πωλῶ· θάρσει·
Ζηνοφίλᾳ σύντροφοσ ὧδε μένε, ναὶ τὰν Κύπριν, Ἔρωσ, φλέξω τὰ σὰ πάντα πυρώσασ, τόξα τε καὶ Σκυθικὴν ἰοδόκον φαρέτρην φλέξω, ναί, τί μάταια γελᾷσ, καὶ σιμὰ σεσηρὼσ μυχθίζεισ;
호흡부호 보기
강세부호 보기
장단부호 보기
작은 Iota 보기
모든 부호 보기