호흡부호 보기
강세부호 보기
장단부호 보기
작은 Iota 보기
모든 부호 보기
εἶδον ἐγὼ ποθέοντασ· ὑπ’ ἀτλήτοιο δὲ λύσσησ δηρὸν ἐν ἀλλήλοισ χείλεα πηξάμενοι, οὐ κόρον εἶχον ἔρωτοσ ἀφειδέοσ· ἱέμενοι δέ, εἰ θέμισ, ἀλλήλων δύμεναι ἐσ κραδίην, ἀμφασίησ ὅσον ὅσσον ὑπεπρήυνον ἀνάγκην, ἀλλήλων μαλακοῖσ φάρεσιν ἑσσάμενοι. καὶ ῥ’ ὁ μὲν ἦν Ἀχιλῆι πανείκελοσ, οἱο͂σ ἐκεῖνοσ τῶν Λυκομηδείων ἔνδον ἐήν θαλάμων κούρη δ’ ἀργυφέησ ἐπιγουνίδοσ ἄχρι χιτῶνα ζωσαμένη, Φοίβησ εἶδοσ ἀπεπλάσατο.
καὶ πάλιν ἠρήρειστο τὰ χείλεα·
γυιοβόρον γὰρ εἶχον ἀλωφήτου λιμὸν ἐρωμανίησ. ῥεῖά τισ ἡμερίδοσ στελέχη δύο σύμπλοκα λύσει, στρεπτά, πολυχρονίῳ πλέγματι συμφυέα, ἢ κείνουσ ̔φιλέοντασ, ὑπ’ ἀντιπόροισὶ τ’ ἀγοστοῖσ ὑγρὰ περιπλέγδην ἅψεα δησαμένουσ. τρὶσ μάκαρ, ὃσ τοίοισι, φίλη, δεσμοῖσιν ἑλίχθη, τρὶσ μάκαρ·
ἀλλ’ ἡμεῖσ ἄνδιχα καιόμεθα.
호흡부호 보기
강세부호 보기
장단부호 보기
작은 Iota 보기
모든 부호 보기