헬라어 문장 검색 - ΥνκνοώΓρεεκΑν́4́001́

(작자 미상, Greek Anthology, book 4, chapter 1)

Μοῦσα φίλα, τίνι τάνδε φέρεισ πάγκαρπον ἀοιδάν; ἢ τίσ ὁ καὶ τεύξασ ὑμνοθετᾶν στέφανον; ἄνυσε μὲν Μελέαγροσ, ἀριζάλῳ δὲ Διοκλεῖ μναμόσυνον ταύταν ἐξεπόνησε χάριν, πολλὰ μὲν ἐμπλέξασ Ἀνύτησ κρίνα, πολλὰ δὲ Μοιροῦσ λείρια, καὶ Σαπφοῦσ βαιὰ μέν, ἀλλὰ ῥόδα· νάρκισσόν τε τορῶν Μελανιππίδου ἔγκυον ὕμνων, καὶ νέον οἰνάνθησ κλῆμα Σιμωνίδεω·

σὺν δ’ ἀναμὶξ πλέξασ μυρόπνουν εὐάνθεμον ἶριν Νοσσίδοσ, ἧσ δέλτοισ κηρὸν ἔτηξεν Ἔρωσ· τῇ δ’ ἅμα καὶ σάμψυχον ἀφ’ ἡδυπνόοιο Ῥιανοῦ, καὶ γλυκὺν Ἠρίννησ παρθενόχρωτα κρόκον, Ἀλκαίου τε λάληθρον ἐν ὑμνοπόλοισ ὑάκινθον, καὶ Σαμίου δάφνησ κλῶνα μελαμπέταλον ἐν δὲ Λεωνίδεω θαλεροὺσ κισσοῖο κορύμβουσ, Μνασάλκου τε κόμασ ὀξυτόρου πίτυοσ·

Νικίου, Εὐφήμου τ’ ἀμμότροφον πάραλον ἐν δ’ ἄρα Δαμάγητον, ἰόν μέλαν, ἡδύ τε μύρτον Καλλιμάχου, στυφελοῦ μεστὸν ἀεὶ μέλιτοσ, λυχνίδα τ’ Εὐφορίωνοσ, ἰδ’ ἐν Μούσαισ κυκλάμινον, ὃσ Διὸσ ἐκ κούρων ἔσχεν ἐπωνυμίην.

τῇσι δ’ ἅμ’ Ἡγήσιππον ἐνέπλεκε, μαινάδα βότρυν, Πέρσου τ’ εὐώδη σχοῖνον ἀμησάμενοσ, σὺν δ’ ἅμα καὶ γλυκὺ μῆλον ἀπ’ ἀκρεμόνων Διοτίμου, καὶ ῥοιῆσ ἄνθη πρῶτα Μενεκράτεοσ, σμυρναίουσ τε κλάδουσ Νικαινέτου, ἠδὲ Φαέννου τέρμινθον, βλωθρὴν τ’ ἀχράδα Σιμμίεω·

ἐν δὲ καὶ ἐκ λειμῶνοσ ἀμωμήτοιο σελίνου βαιὰ διακνίζων ἄνθεα Παρθενίδοσ, λείψανὰ τ’ εὐκαρπεῦντα μελιστάκτων ἀπὸ Μουσέων, ξανθοὺσ ἐκ καλάμησ Βακχυλίδεω στάχυασ·

ἐν δ’ ἄρ’ Ἀνακρείοντα, τὸ μὲν γλυκὺ κεῖνο μέλισμα, νέκταροσ, εἰσ δ’ ἐλέγουσ ἄσπορον ἀνθέμιον ἐν δὲ καὶ ἐκ φορβῆσ σκολιότριχοσ ἄνθοσ ἀκάνθησ Ἀρχιλόχου, μικρὰσ στράγγασ ἀπ’ ὠκεανοῦ·

τοῖσ δ’ ἅμ’ Ἀλεξάνδροιο νέουσ ὄρπηκασ ἐλαίησ, ἠδὲ Πολυκλείτου πορφυρέην κύανον. ἐν δ’ ἄρ’ ἀμάρακον ἧκε, Πολύστρατον, ἄνθοσ ἀοιδῶν, φοίνισσάν τε νέην κύπρον ἀπ’ Ἀντιπάτρου·

καὶ μὴν καὶ Συρίαν σταχυότριχα θήκατο νάρδον, ὑμνοθέταν, Ἑρμοῦ δῶρον ἀειδόμενον ἐν δὲ Ποσείδιππόν τε καὶ Ἡδύλον, ἄγρι’ ἀρούρησ, Σικελίδεὼ τ’ ἀνέμοισ ἄνθεα φυόμενα. φοίνικοσ κείρασ πρωτογόνουσ ἕλικασ, λωτὸν τ’ εὐχαίτην Χαιρήμονοσ, ἐν φλογὶ μίξασ Φαιδίμου, Ἀνταγόρου τ’ εὔστροφον ὄμμα βοόσ, τάν τε φιλάκρητον Θεοδωρίδεω νεοθαλῆ ἑρ́πυλλον, κυάμων τ’ ἄνθεα Φανίεω, ἄλλων τ’ ἔρνεα πολλὰ νεόγραφα·

τοῖσ δ’ ἅμα Μούσησ καὶ σφετέρησ ἔτι που πρώιμα λευκόια.

ἀλλὰ φίλοισ μὲν ἐμοῖσι φέρω χάριν ἔστι δὲ μύσταισ κοινὸσ ὁ τῶν Μουσέων ἡδυεπὴσ στέφανοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Unknown, Greek Anthology, book 4, chapter 1

(작자 미상, Greek Anthology, book 4, chapter 1)

상위

목록

SEARCH

MENU NAVIGATION