호흡부호 보기
강세부호 보기
장단부호 보기
작은 Iota 보기
모든 부호 보기
τοιαύτη μὲν ἡ μεσόγαια τῆσ Σελευκίδοσ, ὁ δὲ παράπλουσ ὁ λοιπὸσ ἀπὸ τῆσ Λαοδικείασ ἐστὶ τοιοῦτοσ· τῇ γὰρ Λαοδικείᾳ πλησιάζει πολίχνια, τό τε Ποσείδιον καὶ τὸ Ἡράκλειον καὶ τὰ Γάβαλα· εἶτ’ ἤδη ἡ τῶν Ἀραδίων παραλία, Πάλτοσ καὶ Βαλαναία καὶ Κάρνοσ, τὸ ἐπίνειον τῆσ Ἀράδου λιμένιον ἔχον· εἶτ’ Ἔνυδρα καὶ Μάραθοσ πόλισ Φοινίκων ἀρχαία κατεσπασμένη. τὴν δὲ χώραν Ἀράδιοι κατεκληρούχησαν καὶ τὰ Σίμυρα τὸ ἐφεξῆσ χωρίον· τούτοισ δ’ ἡ Ὀρθωσία συνεχήσ ἐστι καὶ ὁ Ἐλεύθεροσ ὁ πλησίον ποταμόσ, ὅνπερ ὁρ́ιον ποιοῦνταί τινεσ Σελευκίδοσ πρὸσ τὴν Φοινίκην καὶ τὴν κοίλην Συρίαν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기