Strabo, Geography, book 16, chapter 1 38:

(스트라본, 지리학, book 16, chapter 1 38:)

τῆσ μὲν οὖν Ἀδιαβηνῆσ ἡ πλείστη πεδιάσ ἐστι, καὶ αὐτὴ τῆσ Βαβυλωνίασ μέροσ οὖσα ἔχουσα δ’ ὅμωσ ἄρχοντα ἴδιον, ἔστιν ὅπη καὶ τῇ Ἀρμενίᾳ προσχωροῦσα. οἱ γὰρ Μῆδοι καὶ οἱ Ἀρμένιοι τρίτοι δὲ Βαβυλώνιοι τὰ μέγιστα τῶν ἐθνῶν τῶν ταύτῃ διετέλουν οὕτωσ ἐξ ἀρχῆσ συνεστῶτεσ ὥστ’ ἀλλήλοισ ἐπιτίθεσθαι κατὰ καιροὺσ τοὺσ οἰκείουσ ἕκαστοι καὶ πάλιν διαλύεσθαι· καὶ τοῦτο καὶ μέχρι τῆσ τῶν Παρθυαίων ἐπικρατείασ διέμεινε. τῶν μὲν οὖν Μήδων καὶ τῶν Βαβυλωνίων ἐπάρχουσι Παρθυαῖοι, τῶν δ’ Ἀρμενίων οὐδ’ ἅπαξ· ἀλλ’ ἔφοδοι μὲν γεγόνασι πολλάκισ, ἀνὰ κράτοσ δ’ οὐχ ἑάλωσαν, ἀλλ’ ὅ γε Τιγράνησ καὶ ἐρρωμένωσ ἀντεπεκράτησεν, ὡσ ἐν τοῖσ Ἀρμενιακοῖσ εἴρηται. ἡ μὲν οὖν Ἀδιαβηνὴ τοιαύτη· περὶ δὲ τῆσ Μεσοποταμίασ ἐροῦμεν ἐφεξῆσ καὶ τῶν πρὸσ μεσημβρίαν ἐθνῶν, ἐπιόντεσ ἐπὶ μικρὸν πρότερον τὰ λεγόμενα περὶ τῶν ἐθῶν τῶν παρὰ τοῖσ Ἀσσυρίοισ.

상위

Geography (지리학)

목록

일치하는 문장이 없습니다.

SEARCH

MENU NAVIGATION