Strabo, Geography, book 16, chapter 1 22:

(스트라본, 지리학, book 16, chapter 1 22:)

φησὶ δ’ Ἀριστόβουλοσ τὸν Ἀλέξανδρον αὐτὸν ἀναπλέοντα καὶ κυβερνῶντα τὸ σκάφοσ ἐπισκοπεῖν καὶ ἀνακαθαίρειν τὰσ διώρυγασ μετὰ τοῦ πλήθουσ τῶν συνακολουθησάντων· τοὺσ γὰρ πλείστουσ ἐν ταῖσ λίμναισ εἶναι. ὡσ δ’ αὕτωσ καὶ τὰ στόμια ἐμφράττειν, τὰ δ’ ἀνοίγειν· κατανοήσαντα δὲ μίαν τὴν μάλιστα τείνουσαν ἐπὶ τὰ ἕλη καὶ τὰσ λίμνασ τὰσ πρὸ τῆσ Ἀραβίασ, δυσμεταχείριστον ἔχουσαν τὸ στόμα καὶ μὴ ῥᾳδίωσ ἐμφράττεσθαι δυναμένην διὰ τὸ εὐένδοτον καὶ μαλακόγειον, ἄλλο ἀνοῖξαι καινὸν στόμα, ἀπὸ σταδίων τριάκοντα ὑπόπετρον λαβόντα χωρίον, κἀκεῖ μεταγαγεῖν τὸ ῥεῖθρον· ταῦτα δὲ ποιεῖν προνοοῦντα ἅμα καὶ τοῦ μὴ τὴν Ἀραβίαν δυσείσβολον τελέωσ ὑπὸ τῶν λιμνῶν ἢ καὶ τῶν ἑλῶν ἀποτελεσθῆναι, νησίζουσαν ἤδη διὰ τὸ πλῆθοσ τοῦ ὕδατοσ· διανοεῖσθαι γὰρ δὴ κατακτᾶσθαι τὴν χώραν ταύτην καὶ στόλουσ καὶ ὁρμητήρια ἤδη κατεσκευάσθαι, τὰ πλοῖα τὰ μὲν ἐν Φοινίκῃ τε καὶ Κύπρῳ ναυπηγησάμενον διάλυτά τε καὶ γομφωτά, ἃ κομισθέντα εἰσ Θάψακον σταθμοῖσ ἑπτὰ εἶτα τῷ ποταμῷ κατακομισθῆναι μέχρι Βαβυλῶνοσ, τὰ δ’ ἐν τῇ Βαβυλωνίᾳ συμπηξάμενον τῶν ἐν τοῖσ ἄλσεσι καὶ τοῖσ παραδείσοισ κυπαρίττων· σπάνισ γὰρ ὕλησ ἐνταῦθα, ἐν δὲ Κοσσαίοισ καὶ ἄλλοισ τισὶ μετρία τίσ ἐστιν εὐπορία. σκήψασθαι μὲν οὖν αἰτίαν τοῦ πολέμου φησίν, ἐπειδὴ μόνοι τῶν ἁπάντων οὐ πρεσβεύσαιντο οἱ Ἄραβεσ ὡσ αὐτόν, τὸ δ’ ἀληθὲσ ὀρεγόμενον πάντων εἶναι κύριον· καὶ ἐπεὶ δύο θεοὺσ ἐπυνθάνετο τιμᾶσθαι μόνουσ ὑπ’ αὐτῶν, τόν τε Δία καὶ τὸν Διόνυσον, τοὺσ τὰ κυριώτατα πρὸσ τὸ ζῆν παρέχοντασ, τρίτον ὑπολαβεῖν ἑαυτὸν τιμήσεσθαι, κρατήσαντα καὶ ἐπιτρέψαντα τὴν πάτριον αὐτονομίαν ἔχειν ἣν εἶχον πρότερον. ταῦτά τε δὴ πραγματεύεσθαι περὶ τὰσ διώρυγασ τὸν Ἀλέξανδρον, καὶ τοὺσ τάφουσ σκευωρεῖσθαι τοὺσ τῶν βασιλέων καὶ δυναστῶν·

상위

Geography (지리학)

목록

일치하는 문장이 없습니다.

SEARCH

MENU NAVIGATION