Strabo, Geography, book 15, chapter 2 20:

(스트라본, 지리학, book 15, chapter 2 20:)

γνοίη δ’ ἄν τισ τὰ περὶ τὴν λεχθεῖσαν ὀρεινὴν ἔτι μᾶλλον προσιστορήσασ τὴν ὁδὸν ᾗ ἐχρήσατο διώκων τοὺσ περὶ Βησσὸν ὡσ ἐπὶ Βάκτρων Ἀλέξανδροσ ἐκ τῆσ Παρθυηνῆσ· εἰσ γὰρ τὴν Ἀρίαν ἧκεν, εἶτ’ εἰσ Δράγγασ, ὅπου Φιλώταν ἀνεῖλε τὸν Παρμενίωνοσ υἱὸν φωράσασ ἐπιβουλήν· ἔπεμψε δὲ καὶ εἰσ Ἐκβάτανα τοὺσ καὶ τὸν πατέρα αὐτοῦ ἀνελοῦντασ ὡσ κοινωνὸν τῆσ ἐπιβουλῆσ· φασὶ δ’ αὐτοὺσ ἐπὶ δρομάδων καμήλων ὁδὸν ἡμερῶν τριάκοντα ἢ καὶ τετταράκοντα ἑνδεκαταίουσ διανύσαι καὶ τελευτῆσαι τὴν πρᾶξιν. οἱ δὲ Δράγγαι περσίζοντεσ τἆλλα κατὰ τὸν βίον οἴνου σπανίζουσι, γίνεται δὲ παρ’ αὐτοῖσ καττίτεροσ. εἶτ’ ἐκ Δραγγῶν ἐπί τε τοὺσ Εὐεργέτασ ἧκεν, οὓσ ὁ Κῦροσ οὕτωσ ὠνόμασε, καὶ τοὺσ Ἀραχωτούσ, εἶτα διὰ τῶν Παροπαμισαδῶν ὑπὸ πλειάδοσ δύσιν· ἔστι δ’ ὀρεινὴ καὶ κεχιονοβόλητο τότε ὥστε χαλεπῶσ ὡδεύετο· πυκναὶ μέντοι κῶμαι δεχόμεναι πάντων εὔποροι πλὴν ἐλαίου παρεμυθοῦντο τὰσ δυσκολίασ· εἶχόν τε ἐν ἀριστερᾷ τὰσ ἀκρωρείασ. ἔστι δὲ τὰ μεσημβρινὰ μὲν τοῦ ὄρουσ τοῦ Παροπαμισοῦ Ἰνδικά τε καὶ Ἀριανά· τὰ δὲ προσάρκτια τὰ μὲν πρὸσ ἑσπέραν Βάκτρια . . . τοῖσ Βακτρίοισ βαρβάρων. διαχειμάσασ δ’ αὐτόθι ὑπερδέξιον ἔχων τὴν Ἰνδικὴν καὶ πόλιν κτίσασ ὑπερήκρισεν εἰσ τὴν Βακτριανὴν διὰ ψιλῶν ὁδῶν πλὴν τερμίνθου θαμνώδουσ ὀλίγησ, ἀπορούμενοσ καὶ τροφῆσ ὥστε ταῖσ τῶν κτηνῶν σαρξὶ χρῆσθαι, καὶ ταύταισ ὠμαῖσ διὰ τὴν ἀξυλίαν· πρὸσ δὲ τὴν ὠμοσιτίαν πεπτικὸν ἦν αὐτοῖσ τὸ σίλφιον πολὺ πεφυκόσ. πεντεκαιδεκαταῖοσ δὲ ἀπὸ τῆσ κτισθείσησ πόλεωσ καὶ τῶν χειμαδίων ἧκεν εἰσ Ἄδραψα, πόλιν τῆσ Βακτριανῆσ.

상위

Geography (지리학)

목록

일치하는 문장이 없습니다.

SEARCH

MENU NAVIGATION