Strabo, Geography, book 15, chapter 1 145:

(스트라본, 지리학, book 15, chapter 1 145:)

φησὶ γὰρ οὗτοσ ἐν Ἀντιοχείᾳ τῇ ἐπὶ Δάφνῃ παρατυχεῖν τοῖσ Ἰνδῶν πρέσβεσιν ἀφιγμένοισ παρὰ Καίσαρα τὸν Σεβαστόν· ἐπιγεγράφθαι δὲ τῷ τάφῳ "Ζαρμανοχηγὰσ Ἰνδὸσ ἀπὸ Βαργόσησ κατὰ "τὰ πάτρια Ἰνδῶν ἔθη ἑαυτὸν ἀπαθανατίσασ κεῖται. οὓσ ἐκ μὲν τῆσ ἐπιστολῆσ πλείουσ δηλοῦσθαι, σωθῆναι δὲ τρεῖσ μόνουσ, οὓσ ἰδεῖν φησι, τοὺσ δ’ ἄλλουσ ὑπὸ μήκουσ τῶν ὁδῶν διαφθαρῆναι τὸ πλέον· τὴν δ’ ἐπιστολὴν ἑλληνίζειν ἐν διφθέρᾳ γεγραμμένην, δηλοῦσαν ὅτι Πῶροσ εἰή ὁ γράψασ, ἑξακοσίων δὲ ἄρχων βασιλέων ὅμωσ περὶ πολλοῦ ποιοῖτο φίλοσ εἶναι Καίσαρι, καὶ ἕτοιμοσ εἰή δίοδόν τε παρέχειν ὅπῃ βούλεται καὶ συμπράττειν ὅσα καλῶσ ἔχει. ταῦτα μὲν ἔφη λέγειν τὴν ἐπιστολήν, τὰ δὲ κομισθέντα δῶρα προσενεγκεῖν ὀκτὼ οἰκέτασ γυμνούσ, ἐν περιζώμασι καταπεπασμένουσ ἀρώμασιν· εἶναι δὲ τὰ δῶρα τόν τε ἑρμᾶν, ἀπὸ τῶν ὤμων ἀφῃρημένον ἐκ νηπίου τοὺσ βραχίονασ, ὃν καὶ ἡμεῖσ εἴδομεν, καὶ ἐχίδνασ μεγάλασ καὶ ὄφιν πηχῶν δέκα καὶ χελώνην ποταμίαν τρίπηχυν πέρδικά τε μείζω γυπόσ. συνῆν δέ, ὥσ φησι, καὶ ὁ Ἀθήνησι κατακαύσασ ἑαυτόν· ποιεῖν δὲ τοῦτο τοὺσ μὲν ἐπὶ κακοπραγίᾳ ζητοῦντασ ἀπαλλαγὴν τῶν παρόντων, τοὺσ δ’ ἐπ’ εὐπραγίᾳ, καθάπερ τοῦτον· ἅπαντα γὰρ κατὰ γνώμην πράξαντα μέχρι νῦν ἀπιέναι δεῖν, μή τι τῶν ἀβουλήτων χρονίζοντι συμπέσοι· καὶ δὴ καὶ γελῶντα ἁλέσθαι γυμνὸν λίπ’ ἀληλιμμένον ἐν περιζώματι ἐπὶ τὴν πυράν·

상위

Geography (지리학)

목록

일치하는 문장이 없습니다.

SEARCH

MENU NAVIGATION