Strabo, Geography, book 15, chapter 1 120:

(스트라본, 지리학, book 15, chapter 1 120:)

τοὺσ δὲ Γαρμᾶνασ τοὺσ μὲν ἐντιμοτάτουσ ὑλοβίουσ φησὶν ὀνομάζεσθαι, ζῶντασ ἐν ταῖσ ὕλαισ ἀπὸ φύλλων καὶ καρπῶν ἀγρίων, ἐσθῆτοσ φλοιῶν δενδρείων, ἀφροδισίων χωρὶσ καὶ οἴνου· τοῖσ δὲ βασιλεῦσι συνεῖναι, δι’ ἀγγέλων πυνθανομένοισ περὶ τῶν αἰτίων καὶ δι’ ἐκείνων θεραπεύουσι καὶ λιτανεύουσι τὸ θεῖον. μετὰ δὲ τοὺσ ὑλοβίουσ δευτερεύειν κατὰ τιμὴν τοὺσ ἰατρικοὺσ καὶ ὡσ περὶ τὸν ἄνθρωπον φιλοσόφουσ, λιτοὺσ μὲν μὴ ἀγραύλουσ δέ, ὀρύζῃ καὶ ἀλφίτοισ τρεφομένουσ, ἃ παρέχειν αὐτοῖσ πάντα τὸν αἰτηθέντα καὶ ὑποδεξάμενον ξενίᾳ· δύνασθαι δὲ καὶ πολυγόνουσ ποιεῖν καὶ ἀρρενογόνουσ καὶ θηλυγόνουσ διὰ φαρμακευτικῆσ· τὴν δὲ ἰατρείαν διὰ σιτίων τὸ πλέον, οὐ διὰ φαρμάκων ἐπιτελεῖσθαι· τῶν φαρμάκων δὲ μάλιστα εὐδοκιμεῖν τὰ ἐπίχριστα καὶ τὰ καταπλάσματα, τἆλλα δὲ κακουργίασ πολὺ μετέχειν. ἀσκεῖν δὲ καὶ τούτουσ κἀκείνουσ καρτερίαν τήν τε ἐν πόνοισ καὶ τὴν ἐν ταῖσ ἐπιμοναῖσ, ὥστ’ ἐφ’ ἑνὸσ σχήματοσ ἀκίνητον διατελέσαι τὴν ἡμέραν ὅλην. ἄλλουσ δ’ εἶναι τοὺσ μὲν μαντικοὺσ καὶ ἐπῳδοὺσ καὶ τῶν περὶ τοὺσ κατοιχομένουσ λόγων καὶ νομίμων ἐμπείρουσ, ἐπαιτοῦντασ κατὰ κώμασ καὶ πόλεισ, τοὺσ δὲ χαριεστέρουσ μὲν τούτων καὶ ἀστειοτέρουσ, οὐδ’ αὐτοὺσ δὲ ἀπεχομένουσ τῶν καθ’ ᾅδην θρυλουμένων ὅσα δοκεῖ πρὸσ εὐσέβειαν καὶ ὁσιότητα· συμφιλοσοφεῖν δ’ ἐνίοισ καὶ γυναῖκασ ἀπεχομένασ καὶ αὐτὰσ ἀφροδισίων.

상위

Geography (지리학)

목록

일치하는 문장이 없습니다.

SEARCH

MENU NAVIGATION