Strabo, Geography, book 15, chapter 1 108:

(스트라본, 지리학, book 15, chapter 1 108:)

γυμνασίων δὲ μάλιστα τρῖψιν δοκιμάζουσι καὶ ἄλλωσ καὶ διὰ σκυταλίδων ἐβενίνων λείων ἐξομαλίζονται τὰ σώματα. λιταὶ δὲ καὶ αἱ ταφαὶ καὶ μικρὰ χώματα· ὑπεναντίωσ δὲ τῇ ἄλλῃ λιτότητι κοσμοῦνται· χρυσοφοροῦσι γὰρ καὶ διαλίθῳ κόσμῳ χρῶνται σινδόνασ τε φοροῦσιν εὐανθεῖσ, καὶ σκιάδια αὐτοῖσ ἕπεται· τὸ γὰρ κάλλοσ τιμῶντεσ ἀσκοῦσιν ὅσα καλλωπίζει τὴν ὄψιν· ἀλήθειάν τε ὁμοίωσ καὶ ἀρετὴν ἀποδέχονται, διόπερ οὐδὲ τῇ ἡλικίᾳ τῶν γερόντων προνομίαν διδόασιν ἂν μὴ καὶ τῷ φρονεῖν πλεονεκτῶσι. πολλὰσ δὲ γαμοῦσιν ὠνητὰσ παρὰ τῶν γονέων, λαμβάνουσί τε ἀντιδιδόντεσ ζεῦγοσ βοῶν, ὧν τὰσ μὲν εὐπειθείασ χάριν τὰσ δ’ ἄλλασ ἡδονῆσ καὶ πολυτεκνίασ· εἰ δὲ μὴ σωφρονεῖν ἀναγκάσαιεν, πορνεύειν ἔξεστι. θύει δὲ οὐδεὶσ ἐστεφανωμένοσ οὐδὲ θυμιᾷ οὐδὲ σπένδει, οὐδὲ σφάττουσι τὸ ἱερεῖον ἀλλὰ πνίγουσιν, ἵνα μὴ λελωβημένον ἀλλ’ ὁλόκληρον διδῶται τῷ θεῷ· ψευδομαρτυρίασ δ’ ὁ ἁλοὺσ ἀκρωτηριάζεται, ὅ τε πηρώσασ οὐ τὰ αὐτὰ μόνον ἀντιπάσχει ἀλλὰ καὶ χειροκοπεῖται· ἐὰν δὲ καὶ τεχνίτου χεῖρα ἢ ὀφθαλμὸν ἀφέληται, θανατοῦται. δούλοισ δὲ οὗτοσ μέν φησι μηδένα Ἰνδῶν χρῆσθαι, Ὀνησίκριτοσ δὲ τῶν ἐν τῇ Μουσικανοῦ τοῦτ’ ἴδιον ἀποφαίνει καὶ ὡσ κατόρθωμά γε· καθάπερ καὶ ἄλλα πολλὰ λέγει τῆσ χώρασ ταύτησ κατορθώματα ὡσ εὐνομωτάτησ.

상위

Geography (지리학)

목록

일치하는 문장이 없습니다.

SEARCH

MENU NAVIGATION